Лятфтасаськ, Россиянь инновационнай региононь Ассоциацияв сувси 18 РФ-нь субъект сяда оцю технологическяй касомань-вииямань уровень мархта. Синь лангсост ётафневи 25% странань валовай продуктась, синь ётксост высокотехнологичнай и наукоёмкай производстватне.
Спикехнень эзда фкакс Мордовиянь Оцюнясь Артём Здунов азондсь, што мекольце кизотнень Мордовиясь сатс оцю успехт научно-технологическяй касомаса. Тя няеви регионтть социально-экономическяй касоманц лангса.
«Республикась эрь кизоня занци вяти позицият инновационнай товаронь удельнай сталмонь показательть коряс, работатнень и услугатнень. 2022 кизоть пес сон няфтьсь пцтай 22 % - тя васенце вастсь странаса, - китькстазе регионтть руководителец. – Ётай кизоть Мордовиясь сувась пилотнай субъекттнень составс Россиянь субъектонь научно-технологическяй вииямать коряс руководителень институтонь сувафтомать коряс. Прявкс приоритетсь республикикати – научнай центрань разработкань коммерциализациясь реальнай экономикань секторть касомать-вииямать видеса».
Основной отраслятнень ёткса - фотоникась, биотехнологиясь и медицинась, од поколениянь материалхне и энергосбереженись, веленьхозяйствань производствань техлогогиясь и перерабатывающай промышленностсь, интеллектуальнай собственностень рынкать касомась.
Ульсь китькстаф, што стратегическяй задачатнень эзда фкясь – Н.П. Огаревонь лемса МГУ-ть базаса ГК «Промомед»-ть мархта марс биотехнологиянь касомань-вииямань Федеральнай центрань тиемась. Сон максы возможность локализовандамс разработкатне и максомс странати од биотехнологическяй препаратонь пяшксе циклань производства, пяшкодемс странать лекарствань нужанц. Проектсь получась «Приоритет – 2030» программать кирдеманц.
Башка ванф регионса макссеви интеллектуальнай собственностень тиевомати, сонь ванфтомацты, кирдеманцты и сонь праванзон араламаснонды. Ули целай мерань комплекс кирдеманди тя сферать эса. Тиф региональнай учетонь система и гражданскяй назначениянь НИОКР-нь результатонь ванфтома, кемокстаф региональнай кирдемань программа и локальнай брендтненди тевса лездома.
Тяда башка, сембе уликс тевса инструменттне интеллектуальнай собственностень сфераса кочкафт интеллектуальнай собственностень управлениянь системать организациянц коряс Региональнай стандартти. Соньц Советсь покоди интеллектуальнай собственностень управлениянь системать касоманц-виияманц мархта сотф кизефкснень лангса, лац ряц касонды-вииякшни инновациянь и технологиянь центрань республиканскяй сетьсь университеттнень, промышленнай предприятиятнень, школатнень и идень дополнительнай образованиянь центратнень базава – тяни синь эздост 14. А 2023 кизоста республикаса покоди Федеральнай институтонь промышленнай собственностень Приволжскяй центра.
Мордовия Республикань Оцюнять пресс-службац