Сессиять покодемаса примасть участия РФ-нь Президентть администрациянц руководителенц полафтыец Максим Орешкин и мзярошка странань региононь оцюня, синь ётксост и Мордовиянь Оцюнясь Артем Здунов.
Корхтамань участникнень мяльснон коряс, выставкась пяк удалась: проектсь арась прокс оцюкс и пяк популярнайкс – тяниень пингть сонь уже ванозь 15 млн инжи. Мордовия Республикань стендть 7 ковста ванозь 600 тежянтть малава ломань. «тя ульсь цебярь возможность азондомс эсь колгат, минь сатфксонеконь колга», - китькстазе Артем Здунов.
Выставкань ваномада меле ламоцнень появась мяльсна самс Мордовияв, республикась панжевсь теест од ширеста. Кепотьксоньди, кода китькстазе Мордовиянь Оцюнясь, кържа кие содазе, што тяса ули цебярь горнолыжнай комплекс, Поволжьяса инь цебярь сафари-парксь и ламоцне лиятне.
РФ-нь Президентть администрациянц руководителенц полафтыец Максим Орешкин, конац аф весть ульсь минь республикасонк, мярьгсь: «Мордовияса, прокс, лама мялень салайда,эряви молемс и ваномс. Сембонди рекомендую!»
Артем Здунов китькстазе выставкать покодеманц эзда оцю эффектть. «Тя мощность, энергия, лия региоттнень мархта взаимодействиянь опыт, козя событийнай повестка, сяс мес минь ётафтоме лама мероприятияда и покодемань васедемада тя площадкать лангса», - мярьгсь сон.
«Россия» выставкась ВДНХ-са кармай покодема 8 июльти молемс. Тяниень пингть Президентть поручениянц коряс арьсеви тя мощнейшай экспозицияти наследиянь план, РФ-нь сембе субъекттне няфтсть заинтересованность выставкать региональнай представительстванц тиеманц эса.
Мордовия Республикань Оцюнять пресс-службац