Соглашенияса тяштьф информационнай технологиянь ширетнень взаимодействиясна, содамашиса и опытса полафтомась государственнай управлениянь эффективнай системань тиемати «Экономика данных и цифровая трансформация государства» национальнай проектть принципонзон коряс.
«Взаимодействиясь соглашениять видеса лезды сувафтомс тевс эрявикс практическяй опытть и ширетнень компетенцияснон регионтть сяда товолдонь цифровизациянцты и государственнай управлениянь системать цебярьгофтоманцты, - мярьгсь республикань руководительсь Артём Здунов. –Республикаса покоди 15 малава компаниянь региональнай партнер, синь ётксост отраслянь коряс сертифицированнай компетенциянь центрат. А ламоц республикань госучреждениятне мольфтихть бухгалтерскяй учет и зарплатань расчет фирмать продуктанзон вельде. Аф кунара компаниясь примась участия «Мастор» минь модань форумсонк. Уверенаян, тя койть ванфтсаськ».
Китькстасаськ, што фирмать передовой технологиянза лездыхть пяшкодемс задачатнень госуправлениянь, образованиянь, здравоохранениянь, культурань, ЖКХ-нь, велень хозяйствань, транспортонь и лама лия сфератнень эса.
«Мордовия Республикань ламоц предприятиятне и государственнай учреждениятне уже сувафнесазь эсь тевозост «1С»-ть решениянзон. Арьсетяма, што сотрудничествась соглашениять видеса лезды касфнемс-виияфнемс региононь государственнай учреждениятнень эса цифровой трансформациять перспективнай направлениянзон передовой технологиятнень сувафтомаснон мархта», - китькстазе «1С» фирмать директороц Борис Нуралиев.
Нинге фкя важнай направлениякс соглашениять видеса арась Мордовия республикаса квалифицированнай ИТ-кадрань анокламанди информационно-образовательнай средань касфтомась-виияфтомась.
Мордовия Республикань Оцюнять пресс-службац