Васенце базовай операторть станцияц Мордовияса ульсь путф 2003 кизоня. Сон появась аф столицаса, а сонь инь ичкоздень уженясонза – Зубова Полянаса, и аньцек сяльде «Билайн» сотовай связьсь сась Саранскяи. Тяда башка, «Вымпелком»-сь – республиканскяй предприятиянь кабельнай продукциянь эряз заказчик.
Васедемаса ульсь азф, што компаниясь кармай касфнема республикать вельхтяманц доступнай связьса.
Тяфта жа ширетне макссть вал покодемс марс цифровой виензамань сфераса.
«Россиянь Президентть мархта «Экономика данных и цифровая трансформация государства» национальнай проектть видеса путфт оцю задачат трансформациянь цифровизациять коряс экономикань сембе отраслятнень эса, минь аноктама эрязста сувамс покодемати тинь мархтонт ряц», - китькстазе Артем Здунов.
Мордовия Республикань Оцюнять пресс-службац