Потребкооперациясь – тя социальна ориентированнай территориянь экономическяй ширде касомань-вииямань система, населениянь заняфшинь пяшкодемань и региононь инфраструктурань касфтомань-виияфтомань. Сельхозпотребкооператифне, фермерскяй и личнай подсобнай хозяйстватнень мархта тифне, лездыхть тяфтама прябалань пяшкодемаса, кода продукциять миманц мархта стакашить, аф фкя лаца лисема рынкатненди оцю компаниятнень мархта ряцок. Тяза жа можнат путомс аф оцю питнеть реализуемай продукциять лангс и оцю питнеть рамави ресурснень лангс.
«Мордовия Республикати потребительскяй и сельскохозяйственнай кооперациянь касомань-вииямань кизефксть ули оцю значенияц, - китькстазе Артем Здунов. – Кооперациясь велеса лезды тиендемс од покодема вастт, максси возможность велень эряйхненди получсемс потребкооперациянь системать пачк доход эсь продукцияснон сдавандаманц эзда».
Васедемаса корхтасть регионса кооперациянь модельть касоманц-виияманц колга. Корхтамаса примасть участия РМ-нь велень хозяйствань и продовольствиянь министрсь Антон Илюшкин и Российскяй Федерациянь Центросоюзонь правлениять председателенц полафтыец Виталий Бродский.
«Потребительскяй кооперациять регионса нинге аф кунара ульсь оцю значенияц велеть, велень хозяйствать социальнай касоманцты-виияманцты, и республикать продовольственнай сетьмешинц пяшкодеманц. Эрь кодама туфталонкса Мордовпотребсоюзть покодемац няевикс емлалготсь.
Потребкооперациянь касомась-вииямась регионса, кармай лездома велень территориятненди эрязста касомати и васенце необходимостень паршиса населениять нужанзон пяшкодемаснонды», - китькстазе васьфтемань итокнень коряс Дмитрий Зубов, Россиянь Центросоюзонь Советть председателец.
Мордовия Республикань Оцюнять пресс-службац