Пленарнай заседанияса выступандась Россиянь Президентсь Владимир Путин. Государствань Оцюнясь педа пес лоткась экономикаса структурнай полафкснень лангса, нолдафнень странаса.
«Россиясь лядонды мировой мишендемань ключевой участникокс, эрязста виензафнесы логистикать, сотрудничествань географиять. Тяфта, кемокснихть минь сотксонеке Азиянь странатнень мархта (2020-кизоста 2023 кизоти касомась 60 процент), Ближняй Востокть (касомась кафтонь кърда), Африкань (69 процент) и Латинскяй Американь (42 процентс), - мярьгсь Владимир Путин. – Ётай кизонь итокнень коряс, тинь содасасьть, ВВП-нь касомась Россияса тяфтьсь 3,6 процент, а тя кизонь васенце кварталть – 5,4 процентс. Лиякс мярьгомс минь аськолксонеке среднемировойда оцюфт. Особенна важна, што тяфтама касомась няеви, васенце очередс, афсырьевой отрасляса. Минь путоме цель сувамс масторонь инь оцю ниле экономикатнень ёткс. Эрь кодама даннаень коряс, сувафтомок Всемирнай банконь оценкать, ётай недялять Мировой банксь тись дополнительнай расчетт и путозе Россиять нилеце вастти. Минь ётаськ Япониять».
Региональнай инвестиционнай стандартть нолдамац лездсь ламоц субъекттненди тиемс инголи аськолкс национальнай инвестиционнай климатонь состояниянь рейтингса. Сонь итогонза ульсть азфт форумть площадкаса.
«Мекольце кизоть сюконямок опытонь полафнемати, лидерскяй практикань тиражированияти эсь интегральнай индексснон цебярьгафтозь 74 Россиянь регион. Региоттнень ёткса, конат няфтьсть инь цебярь динамикать, - Республика Бурятиясь, Республика Мордовиясь, Липецкяй, Рязанскяй, Архангельскяй областтне. Поздравляндасайнень коллегаттнень сатф результаттнень мархта и арьсян товолдонь сатфкст», - мярьгсь Владимир Путин.
Фкя инь эрявикс структурнай полафтоматнень ёткса, конанц мельге панихть власттне, тя покодемань рынкань од качествась.
Тячи Россияса, кода китькстазе Президентсь, пяк емла безработицась, апрельста сон тяфтьсь аньцек 2,6%. Пяк ёмлалгатсь од ломанень безработицась и безработицась сембе регионса и населеннай пунктса, коса ульсь пяк оцю. Нинге 15-20 кизода инголе прявкс кизефкссь ульсь сянь эса, кода мумс покодема васта, а тяни - коса мумс кадрат.
Тяка пингть государствань Оцюняст няйсы, што странань экономикати эрявихть аф аньцек од кадрат, но и опытнайхть, содай специалистт, конат синьцке компетентнайхть тевса, и коллегатнень маштыхть тонафтомс, арамс прокс наставникокс. Сянкса эряви кирдемс ломатттнень стремлениясна, конат сатст пенсионнай возраст, лядомс работама, каннемс польза. 2025 кизоста, кода китькстазе Президентсь, ушеды одукс покоди пенсионерхнень пенсияснон индексациясна.
Президентсь эсь выступлениясонза тяфта жа азондсь лия социально значимай решениятнень колга. Президентсь макссь поручения РФ-нь правительствати 1 июльста нолдамс семьянь льготнай ипотекань дополнительнай программат. «Ипотекань льготнай условиятне кармайхть улема Рссиянь сембе регионса, эрь семьяти, конанц мялец путомс куд. Особенна важна тя лама идь мархта семьятненди», - мярьгсь Владимир Путин.
Нинге фкя решениясь токсесы инь емла покодеманкса пандомать индексациянц. «Сон уже сяда оцю прожиточнай минимумда, кода тя кемокстаф Конституцияса. И сяда тов минь сотсаськ сонь индексациянц экономикаса разплатань марстонь касомать лангс. Ушедомок тя кизоста кармай путф соотношения инь емля покодеманкса пандомать и медианнай зарплатать ёткса, конанц получсесазь ламошка заняф ломаттне минь странасонк», - мярьгсь Владимир Путин.
Сонь валонзон коряс, 2025 кизоня МРОТ-сь кармай 48 процент медианнай зарплатать эзда. Тяфта, сон кармай 22 тежянь цалковайда лама ковти. 2030 кизоти МРОТ-сь должен улемс 35 тежянь цалковайда ковти аф кържа .
Эсь выступлениясонза итогонь азондомста, Президентсь китькстазе: глобальнай экономикась сувась серьезнай эпохав, полафтомань пингс. Тиеви ламаполярнай мастор од касомань центра мархта, инвестиционнай и финансовай соткс мархта государстватнень и компаниятнень ёткса. Россиянь экономикась пшкядкшни ня вызовнень лангс тяфта жа вишкста полафни, мушенды оцю вий и пильге лангса кемоста ащема.
«Минь кармата касфнемост пара полафтоматнень обществаса и экономикаса. Именнатянь лангса – национальнай целень винзамань сатомаса – ащихть сявомок минь долгосрочнай системнай планнеке финансовай, технологическяй, странань кадровай суверенитетонь кемокстамать коряс деловой климатонь цебярьгофтомати молемс. И тя покодемать эса минь панжаттама сотрудничестванди сембе заинтересованнай партнернень мархта: омба масторонь компаниятнень, странатнень, интеграционнай пуромкснень».
Мордовия Республикань Оцюнять пресс-службац