Кельгома соотечественникт!Кельгома ветератт, Великай Отечественнай войнань участникт, тылонь труженикт! Седи ваксста поздравляндатядязь тинь сембе нароттнень иласнон, Великай Победать мархта!
Странасонк 9 майсь ульсь и лядонды священнай шикс сембе поколениянь ломаттненди. 74 кизода инголе аделавсь инь лама веронь шудефти войнась, конань эса народоньке аралазе Отечествать воляшинц и киньге эзда аф ащезь улеманц, идезе мирть фашизмать эзда. Победань шись – минь национальнай гордостеньконь и аф машфтови марстоньшиньконь, Родинати оцю кельгоманьконь символоц.
Отечествань аралайхнень еткса ульсь 246 тежянь земляконьке, конат сембе фронттнень эса тюремста няфтезь пряснон мезьдовок аф пели воинкс. Мордовиянь 110 тежяньда лама ломанць казьф боевой орденца и медальса, 124 ломанць, конатнень судьбасна сембе пингс сотфт республиканьконь мархта, получазь инь оцю казнеть – Советскяй Союзонь Героень лемть, 26-сь – Славань орденонь полнай кавалерхт. Минь ванфнесаськ седисонк-ваймосонк аф аньцек воиттнень и тылонь труженикнень мужестваснон, героизмаснон, но и войнань стака кизонь оцю юмафкснень. Мордовиянь 130 тежяньда лама ломанць ашесть мрда куду тюремань паксяста.
Великай Отечественнай войнань солдаттнень колга мяляфтомань символкс арась «Бессмертный полк» акциясь. 9 майста республикань эряйхне марса марнек странать мархта кандсазь ошень, велень ульцятнень эзга мала ломаньцнон – ся стака кизонь участникнень и свидетельхнень фотографияснон. Фронтовикнень и тылонь труженикнень подвигсна арась россиянонь сембе поколениятненди инь оцю нравственнай ориентркс. Великай Победать инкса эряфснон максозь миллиотт ломанць. Странань эряйхнень лангс прасть оцюдонга оцю сталмот, кодамот ашезь сотце мировой историясь. Мзярдовок аф нардавихть мялямста геройхнень лемсна, конат аралазь шачема масторть.
Великай Победань илась маласькофнесамазь сембонь минь, пяшкотькшнесы ваймоньконь эсь Отечестваньконь инкса оцю гордостьса, народоньконь аф аделави виензонды верондамаса, кошарясыне служамс Родинати Победань Солдаттнень идьснон, унокснон и идень унокснон! Минь аф пандови шумосотама атяньконь и алянь-тядянь атяньконь инголе.
Сюконятама пильгозонтт, кельгома ветератт, кемошинкса и отваганкса, оцю подвигонтень инкса, Великай Победанкса! Седи ваксста арьсян теенть,
Мордовиянь сембе эряйхненди шумбраши, паваз, благополучия, мир и сембе цебярть!
Мордовия Республикань Оцюнясь В.Д.ВОЛКОВ