Республикань связень отраслянь кельгома работникт и ветератт!
Седи ваксста поздравляндатядязь тинь профессиональнай илантень – Радионь шить, связень сембе отраслянь работникнень праздникснон мархта!
Телекоммуникациятнень и связень тяниень пингонь средстватнень эзда ащи граждаттнень эряфснон уровенец, национальнай экономикать виияфнемац.
Мелясь козяль отрасляти лама оцю событияса, фкя инь васенцекс конатнень еткса ащи футболть коряс миронь чемпионатсь. Мекольдень кизотнень республикаса тиф информационно-коммуникационнай инфраструктурать вельде удалась етафтомс спортонь илать инь оцю уровеньца.
Информационнай обществать виияфнеманц коряс Мордовиясь занцесыне фкя инь васенце васттнень странаса. Республикань эряйхненди ули кода
оперативнайста получсемс информация властень оргаттнень работаснон колга Интернетть вельде, нолнемс тевс сембе электроннай коммуникациятнень. Эрь кизоня касонды граждаттнень лувкссна, конат получсесазь государственнай и муниципальнай услугатнень электроннай видса. Тяни ащи задача коль касфнемс макссеви услугатнень лувксснон.
Победань шить карша поздравлениянь башка валхт ветераттненди-связисттненди, Великай Отечественнай войнань геройхненди, сятненди, кие войнань стака кизотнень обеспечендакшнезе связень системать работанц, кона пяк эрявсь и фронтса, и тылса.
Спасибамань валхт азан отраслянь специалисттненди и ветераттненди оцю трудонтень инкса!
Арьсян теенть кеме шумбраши, паваз, благополучия, профессиональнай од сатфкст и мялень салай творческяй проект!
Мордовия Республикань Оцюнясь В.Д.Волков