«БЛ Групп» компаниясь — инь оцю светотехническяй объединениясь Россияса, отрасляти научнай и техническяй разработкань вятись. 2018 кизоста сявомок корпорациясь пяшкотькшни концессионнай соглашениять тевс нолдазь наружняй освещениянь сфераса проектт.
«Марса тейнек сави арьсемс-анокламс Саранскяйса наружняй освещениять коряс проект, кона лезды теенть сонь лац эряфс ётафтомасонза, а тейнек — кирдемс финансовай ширеть. Задачаськ ащи аф аньцек сянь эса, штоба полафтомс-козякофтомс уликс оборудованиять, республикаса лама участкада, коса аш освещения», - мярьгсь республикань Оцюнясь.
Георгий Боос азондсь арьсекшневи проектть колга, коза сувафневи уликс осветительнай оборудованиять одкстопнемац. Проектть эряфс ётафтоманкса азфоль мяль нолдамс тевс тяниень пингонь светильникнень, конатнень нолясыне Кадошкинскяй электротехническяй заводсь — тяфта инвестиционнай программась педа-пес ули ётафтф эряфс республикань промышленнай комплексть виензон мархта.
Тяда башка, концессионнай соглашениянь проектть мяльса кирдезь арьсекшневи одкстоптомс муниципальнай предприятиять, кона пяшкодьсыне генподрядчикть тевонзон — тисы проектированиять, монтажть и сяда тов кармай нолямонза тевс одкстоптф системать. Корхтамась мольфтевсь тя кизоня ни договоронь кемокстамать колга, мезсь лезды экономондамс электроэнергиять модернизацияда меле.
Васедемаса примасть участия Мордовиянь Правительствать Председателенц заместителец Игорь Фрейдин и Саранск ошень округонь оцюнясь Игорь Асабин.
Мордовиянь Оцюнять пресс-службац