«Тячи ванцаськ кой-кона кизефкснень: ётафттама анализ республиканскяй госпрограммать коряс тевс нолдаф мероприятиятнень еоорупциять каршес тюремаса, ванцаськ социологическяй исследованиять тифонц, корхтатама тонафнихнень эряфса антикоррупционнай араламать колга», - региононь руководительсь лоткась корхтама тематнень лангс.
Мордовия Республикань юстициянь министрась Сергей Конычев азондсь, кода госпрограммать коряс кизоньберьф ульсть ётафтфт республикань служащайхнень мархта корхтама шрат, семинархт и консультацият. Эрязста тев мольфтеви нормативно-правовой акттнень эса коррупциогеннай факторхнень петемаснон эса, эряйхненди и бизнес-сообществатненди кулянь максомать мольфтемац. Ведомствань руководительсь марнек шназе аф кальдяв динамикать мольфтеманц региональнай госпрограммать вешфксонзон вятеманц эса ётай кизоть коряс.
Социально-экономическяй мониторингть научнай центрать директороц Любовь Курышова няфтезень регионца эряйхнень ёткса ётафтф социологическяй исследованиянь результаттнень. Конатнень коряс лисенди, што коррупциять шарьхкодемаса моли прябала коммунальнай хозяйствань сфераса, китнень мархта сотф тевса и башка медицинскяй учреждениява. Нинге, ётай кизоть коряс, кепотьксонди, ГИБДД-ть сфераса коррупциять нолдамаса марстонь лувкссь кирьсь ламонь крда. Тя направлениятнень лангс республикань Главась мярьгсь шарфтомс башка мяль.
Цебярьть ёткста – ламоц регионцонк эряйхнень эзда аф шнасазь коррупциять. Сяконьберьф, кизефневомать вешфксонзон коряс сят, кие сонцень ули взяткань сявомань опытоц, сяда шарьхкодезь ваны тя явлениять лангс. Сявомок марс сембе содафть, ётай кизоть кизефнифнень ёткста аньцек 14 % макссесть взятка – а 2020 кизоста сявомок тя няфтевикссь кирьсь кафтонь крда.
«Оцю тевонь блок арьсеф мероприятиятнень ёткста ётафтови вастонь заняй ломаттнень мархта – категориять, кона пяк лафча коррупциянь афсатыкснень эзда. Карматама сяда эрязста покодема сятнень мархта, кие канни прясонза мяль взяткань максовома кизефксть коряс», - мярьгсь Мордовия Республикань Правительствать и Мордовия Республикань Главать Администрациянь Руководительсь Булат Хайрутдинов.
РМ-нь образованиянь министрась Елена Солдатова азондсь, што од цёратнень и стирьхнень ёткса антикоррупционнай воспитаниясь вятеви обществознаниянь, историянь, «Разговоры о важном» урокса, а нинге урокта мельдень тевть вятемста. Тя или тона темать колга корхтамась вятеви и школаса, СПО-нь учрежденияса родительскяй собранияса. Тяда башка, вятеви монторинг коррупциянь факттнень колга информациять пачфтевомац социальнай сетева образовательнай учреждениява и тядянь-алянь сообществава.
Мордовия Республикань Оцюнясь башка мяль шарфтсь тядятнень-алятнень эсь ёткова школатнень эса ярмаконь кочкавомать лангс. Елена Солдатова толкавазе, што тя аф пелькс, кда сембось тиеви попечительскяй советть марстонь арьсефонц вельде и эсь мяль-вельде ярмаконь кочкавомать. Артём Здунов макссь тев: кда тевсь ащи каршек, то эряви лангозонза шарфтомс мяль сяда курок.
Мордовия Республикань Оцюнять Пресс-службац