Лятфтасаськ, ОЭЗ-сь – инвесторонь мумань эрявикс механизмась. Республикань эряйхненди – тя од покодема вастт, доходонь и марнек эряфонь качествань касомась. «Система» промышленно-производственнай типонь особай экономическай зонась республикаса тиф 2022-2026 кизотнень Мордовия Республикань социальна-экономическяй виензамань Программать видеса, РФ-нь Правительствать мархта тяшкстаф Президентть поручениянц коряс. Зонась ащи Саранск ошень округть и Лямбирскяй районтть территорияса, ащи колма площадкаста марстонь площадьса 378 гектар. Основной партнерсь – АФК Система» инь оцю Россиянь инвесторхнень эзда фкясь.
Ётай ковста тиф пяк лама: кафта резиденттне уже ушедсть покодема – ООО «НК-Индустрия» индустриальнай резидентсь и ООО «Завод световых приборов». Нинге колмотне – етнихть регистрационнай тефт и вятихть проектонь разработкат. Тяниень пингть инвестпроектонь эряфс ётафтомать коряс ули договоренность 12 потенциальнай резидент мархта марстонь инвестициянь 37 млрд цалковайда лама марстонь объёмса и 1140 лама од покодемань вастонь тиема мархта. Тя медицинскяй клянцеконь нолдамать коряс, водороднай технологиянь и водороднай энергетикань оборудованиянь сфераса, малотоннажнай химиянди «контейнер-заводов» и лия проекттне.
Совещаниять пингста ульсь лувф ОЭЗ-ть виензамань перспективнай планоц маластонь 10 кизотнень лангс. Планса аф аньцек производственнай мощностень путомась, но покодемань ресурсонди социальнай инфраструктурань тиемась: эрямавастонь, идень садонь, школань.
Башка участникне корхтасть особай экономическяй зонанди кадрань вешемань механизматнень колга. Целевой специалистонь анокламась республикань ВУЗнень и СПО-нь учреждениятнень эса кармай мольфтевома тяфтама направлениятнень коряс кода, инженернай специальностть, ЧПУ мархта станоконь операторхт.
Мордовия Республикань Оцюнять пресс-службац