Лятфтасаськ, што «Система» особай экономическяй промышленно-производственнай типонь зонась тиф Россиянь Правительствать Постановлениянц коряс и Мордовия республикань социально-экономическяй касомань-вииямань Программать видеса 2022-2026 кизотнень лангс, Россиянь Президентть мяленц коряс, Саранск ошень округса и Лямбирьскяй районоца. Сон ащи колма площадкаста масртонь площадьса 377 гектарда лама.
Инь оцю площадкась – «Лисма»-сь (пцтай 110 гектар). Тяса территориять 60 % -н занцесы «Светотехника» индустриальнай парксь, «Саранскяень телевизионнай заводсь» и «Лисма» имущественнай комплекссь.
ООО УК ОЭЗ «Мордовиять» гендиректороц Павел Рыков азондсь ОЭЗ «Система»-ть касомань-вииямань планонц колга. Покодемань пуромксть мархта ульсть ванфт педа-пес 11 резидент: 10 – промышленнай назначениянь и фкя – инфраструктурнай. 75% малава площадьта резиденттнень мархта потенциальна уже заняфт. Марстонь инвестициянь объемсь тяса кармай 10 млрд цалковайда лама, кармай тиф 1500 малава покодема васта.
Кафта резиденттне ковть пес арьсихть тяшкстамс сембе эрявикс кагодтнень и ушедомс покодемать. Остальнайхне ётнихть прединвестиционнай стадият, бизнес-проектонь согласованият и эрявикс процедуратнень. Ульсть азфт и учеви резиденттнень ёткста эрть инвестроектонц запусконь срокоц, ОЭЗ-ть потмоса инфраструктурать тевс нолдамац и касфтомац-виияфтомац.
Корхтамать пингста ульсь китькстаф, што ОЭЗ-нь резиденттненди сембе эрявикс документациять анокламс эряви лездомс сяда вишкста, синь ётксост и модань вастонь оформлениять коряс.
Мордовия Республикань Оцюнять пресс-службац