«Аф кунара ётафтф Стратегическяй касфтомать-виияфтомать и национальнай проекттнень коряс Советть, конань вятьсы Президентоньке, заседанияса, главнай приоритетокс азф странать экономиканц структурнай ширде одукс строямац. Эряви касфтомс отечественнай товархнень, конатненди улема конкурентоспособнайкс, тевс нолямаснон. Главнайсь - промышленностень оцю технологиянь отраслятнень лангс нежедемась и оцю технологическяй рабочай вастонь тиемась. Сембось тя сатома нюрьхкяня пингста - 2030 кизоть самс. Сянкса республиканьконь социально-экономическяй виияфтоманкса сай вете кизонди Программати сувафтомат ня сембе ширетне», - мярьгсь Артём Здунов.
Виияфтоманкса инь эрявикс ширетнень ёткса азфтольхть промышленностень тяфтама отраслятне кода машиностроениясь, радиоэлектроникась, фармацевтикась, а стане жа креативнай индустриясь, туризмась и лиятне.
Совещаниянь участникне корхтасть, кодама ширетне эрявихть сувафтомс вете кизонь региональнай Программати. Стане жа эсонза няфтевихть мероприятиятне, конат водендафт эряйхнень эряфснон качестванц касфтоманцты.
Лятфтасаськ, што тяни регионць ётафнесы эряфс социально-экономическяй виияфтоманкса 2022-2026 кизотненди Программать – Россиянь Президентть Владимир Путинонь поручениянц коряс сон кемокстаф Россиянь Правительствать мархта. Документса корхтави экономикань ключевой отраслятнень виияфтомаснон колга федеральнай бюджетста средстватнень водендамаснон вельде.
Мордовия Республикань Оцюнять Пресс-службац