Алексей Иванов азондсь финансовай грамотностень касфтомать коряс Советть заседаниянь итогонзон колга, эряфс ётафтф образовательнай и информационнай проекттнень колга, конат лувфт эрь кодама целевой аудитория лангс. Синь ётксось – Россиянь банкть образовательнай учреждениянди онлайн-уроконза, оцю ломаненди просветительскяй мероприятият: покодема вастфтома ломаттненди, а тяфта жа трудовой коллектифненди. Сембе марс тя лезды сяда лац ащемс мошенникнень каршес. Ётай кизоть Мордовияса ётась оцю межведомственнай проект «Неделя финансовой грамотности». Тя кизоть тя мероприятиясь арьсеви ётафтомс форумонь форматса лама эксперт мархта.
Тяда башка, 2024 кизоня Мордовияса нолдаф Волго-Вятским ГУ Банка Россиянь Банкть Волго-Вятскяй ГУ-ть мяленц коряс «Город финансовых знаний» ёмла ошень и районнай центрань эряень финансовай грамотностень уровеньснон касфтомаснон коряс проектьсь. Проектть видеса ётафневихть лекторийхть школьникнень, студенттнень, оцю ломаттнень и пенсионерхнень лемс. Башка ванф макссеви просветительскяй контентонь нолямати финансовай грамотностень темать коряс лама ломань мархта васттнень эса. Васенце ошекс-участникокс арась Темников ошсь Мордовияса. Просветительскяй мероприятияса примасть участия школьникне, студентне, покоди населениясь, пенсионерхне. Синь содазь, кода сетьмоста пользовандамс банковскяй услугнень мархта, кода араламс эсь прясна мошенникнень эзда.
Мордовия Республикань Оцюнять пресс-службац