Корхтамась мольсь Саранск ошть мазолгофтоманц колга. Тяфта жа, корхтамста ульсь лоткаф Тёжянь киза площадьть петеманц колга. Покодема тефне тяса явфт кафта пяльксова, васенцесь арьсеви шумордамс Ошень шить васьфтеманцты. 12-це июньцта арьсеви нолдамс «Звезда Мордовии» фонтантть. Аньцек Владимир Быков азозе, што фонтанць кармай работама аф педа пес, сяс мес аф шумордафт петема тефне. Сяда мала пингть подрядчикне кярьмодихть территориять тиема, кона кандови праведнай воинть Феодор Ушаковонь Кафедральнай соборть малас. Тяса тевсь кармай мольфтевома тя кизонь август ковти самс.
Республикань Оцюнясь макссь тев сяда эрязста вятемс и пяшкодемс ёрушинь ванфты и мялень салай тевса «Мордовия Арена» стадионтть вастонц и Инсар ляйть беряконц. Ульсь шарфтф мяль, што тяса кунара петьф скейт-парксь и модульнай памп-трекне, очередьса – кортть путомац падел-теннисонди. Сембе площадкатне улихть панжадот Саранск ошень эряйхненди.
Артём Здунов шарфтсь мяль сянь лангс, што можна арьсемс ётафтомс скейт-паркса тонафты урокт инструктор мархта: «Максода бизнести пинге нолдамс тевс кой-кона асушисна площадкаса шабатненди пользань кандозь. Тяка пингть эряви кирдемс мяльса шумбрашинь аралама техникать».
Нинге фкя оцю тев - Саранскяень северо-западнай пелькссонза водоводть педа-пес петемац. 6,7 вайгяльбень кувалмоса инженернй системась строяф 1970-80-це кизотнень, и мекольце кизотнень сидеста лисендихть эсонза аварийнай ситуацият. Водоводонь ппялькснень полафтовомасна лезды касфтомс кельме ведть качестванц, кона максови Пензяткань водозаборонь омбоце кеподемань насосонь станцияста, Саранскяень 212 тёжяньда лама эряенди.
Мордовия Республикань Оцюнясь мярьгсь ванфтомс петемать коряс тефнень и тиф цебярь тевть мельгя контрольть.
Мордовия Республикань Оцюнять Пресс-службац