Кода шарфтсь мяль тя кизефксть лангс Мордовия Республикань Оцюнясь Артём Здунов, тя эрявикс тев регионть и АСИ-ть марстонь соткссонь кемокстамаса. Сессиять тевоц ульсь шарфтф шачфтомать касфтоманц цебярьгофтомац коряс региональнай программать вельде, нормативна правовой актонь и федеральнай инициативатнень пяшкодевомаса, сянь эзда ушедозь Российскяй Федерациянь Государственнай Советть Комиссияса ваноманц «Семья» направлениять коряс, конань вятьсы Мордовия Республикань Оцюнясь.
Артём Здунов и АСИ-ть генеральнай директороц Светлана Чупшева сёрматфть алу путозь кядьснон пара мялень арьсезь марстонь соткснень кемокстамаса и семьятненди лезксонь максомать, шабань шачфтомать и лама шабань касфтомать коряс планть пяшкодеманц. Планца башка мяль шарфтф лама шабань семьятненди, а нинге од (студентонь) семьятненди.
«Мордовиясь может арамс фкя инь васенце субъектокс, коса и регионть стратегияц, и сембе программатне арьсевихть эрявикс критериятнень ванфтозь, конат шарфтфт семьятнень лангс. Агентствась регионть мархта марса арьсесь семьятненди и шачфтомать касфтоманц коряс лезксонь максома план, кона сувафты эсезонза 70 лама ила, конат арьсефт семьять ванфтоманц, касфтоманц, мялень петеманц лангс», – мярьгсь Светлана Чупшева. Сон тяфта жа мярьгсь, што сембе арьсефне итоговай планть коряс кочкафт ниле группава: обществаса семьянь ванфты и ваймоёжень кирди питнетнень кемокстамасна, семьять социально-экономическяй пяшкодевомац и эряфть сяда тов цебярьгофтовомац, тядянь и шабань шумбрашить ванфтовомац, тевонь кочкавома илатне. И тяса азф, што материалть фкя пяльксоц нолдави тиражс.
Арьсефне токасазь лезксонь максомать лама шабань семьятненди, сталма мархта аватненди, аньцек шачф шаба мархта семьятненди, велеса эряй семьятненди, корпоративнай практикатнень вииямаснон и сяда тов. Синь лувкссост, кепотьксонди, эряма вастонь вешфкснень цебярьгофтовомасна, региональнай семьянь капиталть касфтовомац котоце шабать шачемста. Ульсь шарфтф мяль шаба мархта семьятнень сяда цебярьгофтовомань коряс вешфксснон петемаснон, автомобилень рамамать.
Тяфта жа планца ульсь ванф карань-каршек ащи тефнень кирьфтамасна региональнай семейнай капиталть тевс нолдамаса. Тя тиеви сянкса, штоба эрь семьясь маштозь нолдалезень тевс кирдемань соткснень эрявикс вешфкснень содамок. Кода шарфтсть мяль совещанияс сафне, эряви, штоба эрь отрасльсь улель аноклаф семьять интересонзон панжемаснон лангс: экономикаста сявомок и креативнай индустрияти молемс, социальнай сфераста и предпринимательскяй сообществаста ушедозь.
Лятфтасаськ, Агентствась максы марстонь кирдема региоттненди целевой вешфкснень сатомаса и Российскяй Федерациянь национальнай вешфкснень топафтомаса: ётафты исследованият, кемокстасыне практикатнень, сувафты тевс инь цебярь технологиятнень. Российскяй Федерациянь Президентть В.В. Путинонь валонц коряс Агентствась, кирдемок соткснень, топафты программатнень эса семьять и демографиять касфтоманц коряс, сталма мархта аватненди, од и лама шаба мархта семьятненди лезксонь максомать, а нинге аноклай эрявикс вешфкст государственнай политикать цебярьгофтовомаса.
Мордовия Республикань Оцюнять Пресс-службац