Чамзинскяй заводсь – фкя инь оцюсь масторсонк цементонь нолдавомать коряс. Предприятиясь работай фкакс, аноклавихть покодема од вастт, покодихнень лувкссна тячи 1270 ломань. Среднемесячнай добуваф ярмакнень лувкссна тя кизоть январь-апрель кофнень коряс маладсь 111 тёжянь цалковайс. Мекольце кафта кизотнень инвестициятнень нолдамасна лиссь 1,4 млрд. цалковай. Заводть базаса путф башка петемань «ЦЕМРЕМ» подразделениясь – сон покоди кода республикаса, станя и лия регионга.
Предприятиясь ащи градообразующайкс, сяс эрязста лезды Чамзинскяй районть вииямаса. 2023-це кизоста сявозь заводть, Республикань Правительствать и районнай администрациять ёткса мольфтеви марстонь соткс социально-экономическяй лезксонь максомать колга. Заводсь примай участия велень территориять комплекснай виияфтомаса программать тевс нолдамаса, сяка пингть нолдай тевс оцю путфкст ДК «Цементникть» петемаса, максы лезкс школатненди, идень саттненди, од ломанень центрати. Марс сявозь 2023-2024-це кизотнень лезкс ульсь максф 59 млн цалковайс. Нинге 29 млн цалковай ули максф районть виияфтомаса тя кизоть.
Мордовия Республикань Оцюнять Пресс-службац