«Лидер-Компаундсь» - тяниень пингонь предприятия цебярь технологическяй стандарт коряс изоляционнай материалонь нолдамать коряс. Мзярошка позиция коряс – тя СНГ-са тяка нолдайсь. Предприятияса ладяф производствань пяшксе циклась: научнай разработкаста технологическяй процессонь этапненди – сырьеть эзда ушедомс анок продукциянь нолдамати молемс.
Анатолий Бузлаев азондсь, што тя кизоть выручкань объемсь кармай 3,6 млрд цалковайда лама –касомась няфти 14,5 %.
Мордовиянь Оцюнясь: «Марнек, колма кизоста предприятиясь производствань объепнень коряс кассь кафксть».
Тяни заводса покоди 159 ломань, анцек тя кизоть се примаф 50 специалист. Средняй заработнай пандомань уровенць цебярь – 89 тежятть цалковайть малава.
«Аф аньцек ярмакне салсесазь сотрудникнень мяльснон покодема самста и кочксихть надежнай коллектиф. Тяса ваныхть производствань культурать, бытовой условиятнень и ломаттненди отношениять лангс, - явсь «Лидер-Компаундть» генеральнай директороц – Тяряфнян корхнемс рабочайхнень мархта, ванондомс прябалатнень – эряви фалу улемс и лядондомкс ломанькс. Минь пяшксе социальнай пакетоньке».
Аф ваномок сянь лангс, што предприятиять аш нужац специалисттнень ширде, сай кизоста Н.П. Огаревонь лемса МГУ-са кармай мольфтевома од специалистонь целевой тонафневома. Преимуществась тяса кармай максф сотрудникнень идьснонды – тя лезды кирдемс заводть трудовой династиянзон.
Ульсь китькстаф, што производствать виензамас пяк эрявихть НИОКРатне (научно-исследовательскяй и опытно-конструкторскяй работатне). Предприятияса тяфтама разработкатне мольфтевихть сразу мзярошка ширеть коряс. Васенцексс, вага ни нолдамань стадия лангса ащихть маслобензостойкай материалхне, конатнень тяниень пингть Россияса кивок аф нолясыне. Тяфта жа Россеттнень мархта марс мольфтеви силовой кабеленди эсь лацонь композициянь тестированиясь. Сембе исследованиятнень предприятиясь мольфтьсыне госуниверситетть мархта.
Тяни компаниясь этафни эряфс производственнай виень келептемать коряс проект 1,5 млрд цалковай марстонь питнеса, арьсеви ярмаконь сувафтома Россиянь промышленностень касомань-виензамань Фондть механизманзон пачк.
Артём Здунов кирдезень предприятиять сембе ушетксонзон, научнай разработкатнень и госкирдемань средстватнень сувафтомаснон мархта производствань виензафтомать коряс платтнень. Башка мяль ульсь шарфтф выработкань показательхненди и компаниять налоговай отчислениянь объемонзонды.
Мордовия Республикань Оцюнять пресс-службац