Лятфтасаськ, што фондть прявкс тевоц - специальнай военнай операциянь участниконь кирдемась. Фондтть филиалса покоди 38 ломань, 30 конатнень эзда – социальнай координаторхт, синь улихть республикань сембе районца.
«Покодттяма кизода ламос. Мон ваныне статистикать – сембода лама пшкядемада выплататнень коряс, социальнай пособиятнень, но и юридическяй, медицинскяй кизефксне ащихть приоритетса. Мялезе васенце тръваста кулемс кода эрятада, коса и мезе минь аф тиенттяма педа-пес», - шумбракстозень васедемань участникнень Артём Здунов.
Филиалть руководителец Алексей Герасименко азондозе, што сембе покодема пингстонза региональнай фондти пшкядсть пчтай 6,5 тёжянь ломань. Тя боевой действиянь ветератт, действующай военнослужащайхть, СВО-нь участникт и синь семьясна. Марнек максф 11 тежянь услуга, 96% сембе саф кизефкснень эзда пяшкотьф.
Ульсь китькстаф, што фондсь ладясь марспокодема основной ведомстватнень и организациятнень мархта 43 соглашениянь марспокодемать колга видеса. Лездомань и консультациянь системась работай фкя вальмянь режимса. Оцю покодема ётафневи од поколениять патриотическяй воспитаниянц коряс. Од направления – СВО-нь участникнень, конат получасть раненият, эрямавастснон пяшкодемс, «Умный дом» реабилитациянди техническяй средстваса.
«Мялезе сюконямс Тейть, Артём Алексеевич, сяс мес афоль уль кода тиемс тя работать кирдемафтома и участияфтома», - китькстазе Алексей Герасименко.
Инь цебярь лезксонь максома практикатнень колга СВО-нь участникненди и ветераттненди, синь семьяснонды азондсть фондтть социальнай координаторонза. Китькстасаськ, што синь сопровождениясост тяниень пингть ащи 1557 ломань.
Боевой действиянь ветерансь Иван Волков, правоохранительнай органонь бывшай сотрудниксь, пяшкодсь пцтай 400 пшкядема. Сон китькстазе, што республикаса сембе кизефксне здравоохранениянь, социальнай араламань учрежденияса пяшкотькшневихть пяк теждяста.
«Сембе васттнень эса молихть каршек! Пара мялезон няемс тяфтама отношениять минь боецонеконди. Сашенды кизефкснень пяшкотькшнесайнек рабочай порядкаса, тяряфнетяма тиемс семботь вастова», - мярьгсь Иван Волков.
Алеся Волкова покоди социальнай координаторкс фондтть ушетксста. Киза потмоста теенза сась 300 лама личнай пшкядема. Тяниень пингть сон вяти 67 ломанень персональнай сопровождения.
Социальнай координаторть инь цебярь практиканзон ёткса – боевой действиянь ветерантти лездомась питнефтома тонафнемас ётамась, а тяфта жа шавф СВО-нь участникть семьянцты орден Мужествань получандамаса лезкссь. Адреснай работать видеса ульсь оборудовандаф «умный дом» боевой действиянь ветерантть лемс.
Елена Рединась покоди Рузаевскяй райоца. Основной кизефксне, конатнень коряс ладяф СВО-нь участникнень, синь семьяснон мархта покодемась – тя социальнай кирдемань мерат, медицинскяй услугат, бытовой и юридическяй кизефкст. Лезкссь макссеви и личнай пшкядема и телефон коряс.
Ксения Подмаревати Чамзинскяй районцта кизоста сась 100 лама личнай пшкядемада. Тяниень пингть сотрудницать персональнай вятемаса 50 лама ломань.
Кочкафне корхтасть республикаса военнай госпиталень тиемать колга, конац тяфта эряви боецненди, конат получасть ранения, эсь пингонь лечениянди и реабилитациянди. Тяфта жа ульсь китькстаф, што фондтть филиалонц васенце годовщинанц видеса республикань сембе райоттнень эса ётасть мероприятият тя шить лемс.
Мордовия Республикань Оцюнять пресс-службац