«РМ Рейл» компаниясь (сувси «Русские машины» корпорацияти, кона вятьсыне «Базовый элемент» промышленнай группань машиностроительнай актифнень) пачфтсь 2016 кизоня производственнай работань результатонзон колга. 2015 кизоть коряс компаниясь 55 процентта касфтозе специализированнай подвижной составонь нолнемать и колмонь-крда касфтозе литейнай продукциянь производствать, келептемок крупнай, средняй и емла литьянь номенклатурать 450 лемс.
«РМ Рейл» холдинксь занцесы васенце вастть Россияса инновационнай подвижной составонь анокламать и производствать коряс. 2016 кизоня компаниясь парста етафтозень странаса алюминиевай сплавста кузов мархта васенце хопперть тевса варжаманц, аноклазе и сертифицировандазе аммиаконь пачфнеманкса касфтф объемонь котел мархта вагонть-цистернать од моделенц. Тяни касфневихть нефтегазовай и химическяй отраслянди емкостнай оборудованиянь, кона веши тяниень пингонь инженернай решеният, производствань объемтне.
Башка мяль 2016 кизоня шарфневсь экспортть виияфнеманцты – «РМ Рейл» компаниясь пачфтсь ваготт и комплектующайхть Ирану, Кубав, Балтиянь странатненди, Казахстану. Сотрудничествась поладови тяддевок.
Меля компанись шумордазе диверсификациянь программать васенце этапонц, кона ушетфоль 2014 кизоня. Кепотьксонди, «ВКМ-Сталь» литейнай заводсь келептезе крупнай, средняй и емла литьянь номенклатурать 30-та сявомок 450-ти молемс и тячи сон лувондови нефтехимическяй, велень хозяйствань и автомобильнай промышленностень ведущай федеральнай предприятиянь васенце поставщикокс. Тяка пингть предприятиясь няфтсь отрасляса браконь инь емла показательхть – 2,1 процент.
Стане жа диверсификациянь программать рамкаса контейнеронь производствать коряс «РМ Рейл Абаканвагонмаш» заводсь 2016 кизоня ушедозе блочно-каркаснай жилой модульхнень производстваснон, анокламок российскяй строительнай предприятиятненди тя продукциянь 100-да лама единица.
Мордовия Республикань Правительствать мархта марсонь предприятиять рамкаса «РМ Рейл»-сь меля нолдазе» «Рузхиммаш»-ть видеса вертикальнай стальной резервуаронь производствать коряс программать. Тяниень пингонь оборудованиясь максси возможность нолнемс продукцияда 100 кубометраста сявомок 50 000 кубометрас молемс объемса. Васенце РВС-не пачфтьфт ни заказчикненди.
«2017 кизоня минь сяда тов карматама венемома инголенк путф задачатнень пяшкодемаснонды: ванфтомс васенце вастть инновационнай вагононь анокламаса, тонадомс од литейнай продукциять, сяда тов виияфнемс экспортть. Минь стане жа мяленьке занямс сяда оцю васта нефтехимическяй и газовай отраслянди единичнай оборудованиянь и вертикальнай стальной резервуаронь производствать эса. Меля ламода одкстоптфоль производстваньке, мезсь марса виияфтф инженернай компетенциятнень, лама кизонь опытть и качествань традициятнень мархта лезды анокламс продукция, кона пяшкодьсыне клиентоньконь вешфксснон», - отмечазе «РМ Рейл» холдинкть генеральнай директороц Павел Овчинников.