Александр Васильевич явсь эсь мялензон-арьсеманзон мархта Мордовияв покодемань самать эзда.
Лятфтасаськ, што инголи сон примась участия МР-нь Общественнай палатать од составонь васенце заседаниясонза и МР-нь Общественнай наблюдательнай комиссиять келепть заседанияса.
РФ-нь Общественнай палатань общественнай наблюдательнай комиссиятнень мархта марспокодемать и сетьмешить коряс (ОНК) председательть васенце полафтыец китькстазе минь регионнеконь общественниконзон интерезснон актуальнай социальнай повесткать эряфс ётафтоманцты.
Александр Воронцов башка китькстазе, што Мордовиянь Оцюнясь Артём Здунов лац содасы темать, лац содасы и китькстакшнесыне МР-нь Общественнай палатаста и республикань ОНК-нь ломаттнень покодемаснон.
Мордовиясь ётафни эряфс проект тюрьмаста лисихнень трудоустройстваснон коряс. АСИ-ть оценканц коряс, республикась тя ломанень категорияса социализациять коряс опытоц сувась вете инь цебярьхнень ёткс. Кизоста 169 ломань мусь покодема васта.
Александр Воронцов азондсь сянь колга, што тя кизонь сентябрьть Саранскяйса ётай пробациять коряс Межрегиональнай научно-практическяй форум. Тяфта жа ульсть азфт мяльхть, кода тиемс сяда цебярькс Общественнай палатать и республикань ОНК-ть покодемаснон.
Инжить мяльсь пяк тусь Темниковскяй райононь православнай жемчужинась - Санаксарскяй монастырсь. Тяса стаки мольфтеви кинь тиемась Мордовияса Сире Ош велеть эзда и Нижегородскяй областень Вещерка велети молемс,тя лезды поломникненди и туристтненди сяда вишкста пачкоткшнемс Санаксарскяй и Серафимо-Дивеевскяй монастырьхненди.
Шумордазь МР-нь Оцюнять Администрациянц и Правительствать руководителец Булат Хайрутдинов китькстазе, што общественникнень мархта марспокодемась Мордовиянь руководствать покодеманц эса приоритеттнень эзда фкясь. Региононь власттне фалу кирнесазь общественнай значимай инициативатнень.
Васедемаса примась участия МР-нь Общественнай палатань председательсь Олег Каштанов.