Республикань Оцюнясь лятфтазе: Россиянь Президентть Владимир Путинонь мяленц коряс 2024 кизось лемтьф семьянь кизокс.
Мордовиянь Оцюнясь китькстазе: семьясь – тя обществань основась, фундаментсь, конань лангса кирди государствась.
«Мордовияса касы лама идь мархта семиянь лувкссь, тяниень пингть синь эздост 8 тежяньда лама. Синь эсост пцтай 26 тежянь идь», - мярьгсь Артём Здунов.
Эсь пингстост республикаста тусь лама ломань, сяс тяни улихть демографическяй стакаши, конац эряви сяськомс. Регионса нолдаф «Возвращение» программась, тиендевихть цебярь покодема вастт, штоба ломаттне сашендольхть меки.
Мордовиянь Оцюнясь китькстазе: семьятне, конат эрясть марс 30, 40, 50 и сяда лама киза, касфтсть итть, унокт и уноконь итть, - цебярь кепотькс сятненди, кие аньцек срхкай кочкамс семия.
Артем Здунов казсь юбилярхненди оцю наградат - «За любовь и верность» медальхть.
«Эсь профессиональнай эряфозень пингста монь ульсь лама наградадон, но тя – инь питнись.Сюкпря!» - мярьгсь Марс Гадлиевич Ахмалетдинов. Сонь надежнай тылоц - авац Роза Рафиковна, синь марсот уже 50 киза.
«За любовь и верность» медальса тяфта жа ульсть казьфт Семен Михайлович и Зинаида Павловна Светкиттне, Владимир Михайлович и Раиса Николаевна Вишленковне, Василий Николаевич и Нина Васильевна Суровне, Евгений Александрович и Вера Вениаминовна Губанищевне.
Мяляфтови казнеса ульсть казьфт семиятне, кинь церасна тяни СВО-сот, а тяфта жа од семиятне, конат аньцек ърьвяясть.
«Минь ърьвяяме семьянь Кизоть, арьсетяма эрямс и покодемс республикаса, цебярьгофнемс демографическяй ситуациять», - мярьгсь Роман Манчев.
Артем Здунов арьсесь сембе семиятненди кельгома и шарьхкодема.
«Мяляфтость, штосембе минь – фкя оцю семияятама»! – мярьгсь республикань руководительсь.
Мордовия Республикань Оцюнять пресс-службац