Сембонь, кие сотнезе эряфонц наукать, исследованиятнень, инновационнай и рационализаторскяй решениятнень содафокс тиендемаснон мархта, поздравляндасайне профессиональнай ила мархта!
Тячиень аф простой условиятне путнихть наукать инголе од ориентирхт. Наукань и технологиянь десятилетиясь, конань азозе Россиянь Президентсь, - арай инголи вятикс фкя инь васенце задачатнень решандамаса.
Мордовиянь учёнайхнень разработкасна путнихть путкс отечественнай наукать и регионть экономиканц виияфнемаснонды: велень хозяйствань комплексть и строительнай отраслять, пищевой и электроннай промышленность. Спасибан научнай сотрудникненди, конат аноклазь урмань мушендомань и пчкафтомань метоттнень. Сюкпря учёнайхненди-лингвисттненди, конатнень путксфтома аш кода ванфтомс мокшень и эрзянь кяльхнень.
Тейнек васенце вастса – регионть интеллектуальнай капиталонц касфнемац. Педагокне виияфнесазь шабатнень асушиснон школаста сявомок, ссузонь, вузонь преподавательхне водендакшнесазь од ломаттнень научно-исследовательскяй разработкатненди. Республикань образовательнай сообществать сатфксонза мушендыхть ширень кирдема федеральнай уровеньца. Эряфс ётафневихть импортонь полафнемань проект, панчсевихть мультимедийнай студият-лекторийхть, технопаркт и оцю технологиянь учебно-научнай лабораторият, ладяф конкуренциянь кирни кадрань аноклама.
Седи ваксста арьсян сембонди кеме шумбраши, аф аделакшневи творческяй энергия, од исследованият и панчсемат!
Мордовия Республикань Оцюнясь А.Здунов