Российскяй наукань шить мархта Мордовиянь Правительствать Председателенц поздравленияц

Российскяй наукань шить мархта Мордовиянь Правительствать Председателенц поздравленияц

Научнай кельгома работникт, преподавательхть, аспирантт и студентт! Кельгома ялгат! Региональнай Правительствать лемста поздравляндатядязь Российскяй печатень шить мархта!

Наукась – национальнай экономикать, медицинать, образованиять, социальнай сферать касомаснон важнайдонга важнай ресурсоц.

Имена тинь эздонт, кельгома научнай работникт, ламода ащихть республикаса и целайнек странаса социально-экономическяй полафнематне.
Мордовиять оцю научно-исследовательскяй и образовательнай потенциалоц. Регионцонк пуроптф лама уровенень образовательнай система, вии научнай школа, тифт цебярь условият исследовательскяй работань вятеманкса. Республикань вусне активнайста участвондайхть эрь кодама программаса и конкурса.

Минь марса карматама кемокснемонза Мордовиять имидженц кода инновационнай региононь. Важна шарфтомс башка мяль вузонь и предприятиянь научно-исследовательскяй командатнень фотоникаса, силовой электроникаса и электроннай приборостроенияса, светотехникаса, биотехнологияса марстонь тевонь вятемаснонды.

Кельгома ялгат! Седи ваксста арьсян теенть кеме шумбраши, цебярь эряф, сатфкст наукаса, од мяльхть-арьсемат и панчсемат Мордовиять и Россиять виияфнеманкса!

Мордовия Республикань Правительствать Председателец Д.Поздняков