Республикань уважаемай предпринимательхть! Седи ваксста поздравляндатядязь тинь профессиональнай праздниконтень – Российскяй предпринимательствань шить мархта!
Тячи бизнесть инновационнай активностец и социальнай ответственностец занцихть башка васта республикать и марнек странать социально-экономическяй виияфнемасост. Рабочай вастонь панчсемась, сембе уровенень бюджеттненди налоговай поступлениятнень касфнемасна, товаронь и услугань ассортиментть келепнемац, экспортти мялень шарфнемась, регионть населеннай пунктонзон благоустройствасна – сембе ня задачатнень государствась решандакшнесыне емла и средняй бизнесть мархта сотксонь кирнезь.
Инфраструктурать виияфнемац, нормативно-правовой базать цебярьгофнемац, предпринимательствать виияфнеманкса условиянь тиендемась - сембось тя Мордовиянь властень институттнень фкя инь васенце задачасна. Тя секторть мархта сотфт оцю надияманьке. Минь сяда товга карматама макссема сембе ширдень лезкс ломаттненди, конат ушетксшнесазь эсь тевснон, панчсихть од рабочай вастт.
Кеман, марстонь виеньке сяда товга кармайхть водендафт родной республикать стабильностенц и панчфокс панжеманц обеспечендаманкса, граждаттнень эряфснон цебярьгофнеманкса!
2018 кизонь футболть коряс Миронь чемпионатсь панчси од кит-ятт республикань предпринимательскяй сферать виияфнеманкса. Тяниень пингонь объекттнень стройсемасна, ошнень и велетнень одкстопнемасна, туристическяй козяшить виияфнемац панчсихть кели ки Мордовияса бизнесть касоманкса.
Седи ваксста арьсян теенть кеме шумбраши, благополучия и сембе цебярть!
Мордовия Республикань Оцюнять нюрьхкяня пингс тевонзон тиендисна В.Д.Волков