Сочиса Российскяй инвестиционнай форумть рамкаса тифт итокт «Лучший проект государственно-частного взаимодействия в здравоохранении» Всероссийскяй конкурсти, конань етафтозе Российскяй Федерациянь Минздравсь. «Оказание первичной медико-санитарной помощи» категорияса сяськикс лувфоль «РЖД» ОАО-нь Рузаевка станцияса узловой больницясь.
Россиянь здравоохранениянь министрсь Вероника Скворцова, максомок казнеть больницянь главнай врачти Вера Устьянцевати, спасибась медицинскяй учреждениянь коллективти и отмечазе, што «РЖД-ть» медицинскяй инфраструктурац тяниень пингть сувси территориальнай инфраструктурать лувксс. «Тинь тейнек ащетяда кеме нежекс кода и региональнай здравоохранениясь. Тоса, коса работай «РЖД-сь», тоса решандакшневихть прябалатне и аф эряви путнемс синь здравоохранениянь территориальнай системать лангс. Тинь примерхтада сембонди, коллективонтенди – лама кизот эрямс и шумбраши», - мярьгсь Вероника Скворцова.
Тячи узловой больницясь обслуживандай 12 тежянь ломань, больницяса работай 50 вастонди стационар, сменаста 442 посещениянди поликлиника, рейста ингольдень медицинскяй осмотрань 16 кабинет, 2 медпункттне работайхть машина кинь вокзалхнень эса.
Больницясь пяшкотькшнесы граждаттненди питнефтома медицинскяй лезксонь максомань государственнай гарантиянь программать, работай поезттнень арнемаснон безопасностенц медицинскяй обеспечениянц и машина кинь транспортонь работникнень и маластонь населениять шумбрашинц ванфнеманц коряс ведомственнай заказть лангса. Мекольдень колма кизотнень обязательнай медицинскяй страхованиянь программать рамкаса заданиять лувксоц кассь 27 процентта.
Мордовия Республикань Оцюнять пресс-службац