24 майста Технопаркть НТС-ц заседанияс сась региональнай экономическяй интеграциянь кизефкснень коряс Россиянь Президентть советникоц Сергей Глазьев, а стане жа содаф российскяй ученайхне, РАН-нь академикне, тяконь лувксса Научно-техническяй советть председателец, «Всероссийский научно-исследовательский институт авиационных материалов» ФГУП-ть генеральнай директороц Евгений Каблов.
Советть работанц пингста тиевихть итокт мекольдень кизоть инновационнай программатнень эряфс етафнемаснонды, а стане жа корхтави Технопаркть сяда товолдонь касондоманц-вииякшнеманц колга. Васенце кизефксокс арай инновациятнень лангс, кода конкуренциянь кирни экономикать виияфнемаса фкя инь главнай вийти, вешксть касфнемац.
Шить васенце пялестонза Мордовиянь Оцюнять нюрьхкяня пингс тевонзон тиендисна Владимир Волков содафтсы Сергей Глазьевонь и Научно-техническяй советонь участникнень инновационнай научно-производственнай кластерть мархта, кона пуроптф регионца. Инжихне ванцазь образовательнай и производственнай ламоц объекттнень, тяконь лувксса Асу шабанди Республиканскяй лицейсь, Мордовскяй государственнай университетсь, оптическяй волокнать производстванц коряс Россияса фкя и тяка заводсь.
Мордовия Республикань Оцюнять Пресс-службац