25 мартста региональнай Правительствань премьер-министрть Владимир Сушковонь председательстванц ала етась консолидированнай бюджетть карьхцензон эффективностьснон касфнеманц и Мордовия Республикаса дохоттнень и заработнай платать касоманц обеспечендаманц коряс Межведомственнай комиссиять заседанияц. Комиссиясь пуроптф Мордовия Республикань Оцюнять Указонц мархта 2019 кизонь февральста фкя инь васенце задачатнень решандаманкса: дохоттнень и карьхцнень коряс региононь консолидированнай бюджетть пяшкотькшнеманц анализоц, бюджетнай средстватнень тевс нолнемаснон эффективностенц касфнеманц коряс мероприятиятнень анокламасна, хозяйствующай субъектонь работникнень заработнай платаснон касфнеманц коряс предложениятнень мяльс сявомасна и занятостень аф легальнай форматненди каршек ащемась.
Васенце заседанияса ванфтольхть работань башка ширетнень сяда крхкаста ваноманкса комиссиять потмоса рабочай группатнень составснон коряс предложениятне, а стане жа 2019 кизонди комиссиять работань планоц. Башка мяль шарфтфоль 2019-2024 кизотненди Мордовия Республикаса трудть производительностенц и заработнай платать касфнемаснон коряс мероприятиянь планть проектонцты. Недялянь потмоса документсь тиеви-аноклави педа-пес и лихтеви ваномс региональнай Правительствати.