Марса МР-нь строительствань и архитектурань министрть Алексей Гришакинонь мархта премьер-министрсь ванозе Мордовиять столицанц юго-западнай пялькссонза площадкать, коса строяви школа. Эряви азомс, Саранскяйть тя районцонза сембе вийса мольфтеви эряма вастонь строямась и образовательнай од организациясь пяк эрявикс тяса. 800 вастонди школать строямац арьсеф маластонь кизотненди.
Стане жа Дмитрий Поздняков содафтсь Саранскяень специальнай (коррекционнай) образовательнай школать-интернатть строяманц мархта. Социальнай ширде эрявикс объектть строяманц, кона ушедовсь 1990 кизоня, арьсекшневи шумордамс тядде. Мордовия Республикать социально-экономическяй виияфнемань программать мяльса кирдезь работатнень шумордаманкса нолдаф 300 миллионда лама цалковай.
Од коррекционнай школаса инвалид шабатнень и шумбрашинь ограниченнай возможность мархта иттнень тонафнемасна ладяви улемань шинь и интернатнай форматнень мархта.