Республикань Правительствать Председателец Владимир Сушков Мордовиянь Оцюнять Владимир Волковонь поручениянц коряс васетькшнесь «Новапорт» компаниять генеральнай директоронц Сергей Рудаковонь мархта. Азсаськ, «Новапорт» компаниясь Россияса региональнай аэропортонь инь оцю сетсь.
Корхтамась мольфтевсь Саранскяень аэропортть виияфнеманц колга, мезть вельде сатови внутренняй и международнай рейснень и, лисенди, пассажирхнень лувксснон.
Участникне корхтасть, што Мордовияса авиасообщениять виияфтомаса лездсь Саранскяень аэропортти оцю реконструкциянь тиемась, а стане жа ся, што тяса ладяф Российскяй Федерациянь государственнай границать туркс етамань воздушнай грузопассажирскяй лама ширдень пункт.
Тячи Саранскяйста тиендевихть авиарейст Москуву, Санкт-Петербургу, Симферополи, Сочив и Екатеринбургу.
Од направлениятнень лувксс арьсекшневи сувафтомс турецкяй Антальясь. Международнай авиасообщениять панжемац водендай Саранскяень аэропорту пассажирхт Приволжскяй федеральнай округонь региоттнень эзда.