«Од кись кръфтасы ардомань пингть минь святынянеконь ёткса пцтай кафксть! Федеральнай трассать лангс лисемась максы од эрямань эрьгя маластонь ошненди и велетненди: Темниковти, Явасти, Теньгушевати. Покодттяма минь Президентонеконь кирдеманц мархта!» - китькстазе Мордовиянь Оцюнясь Артём Здунов.
«Тя кить эксплуатацияв сувафтоманц мархта паломникне аф кармайхть арнема объездной кить эзга и ётнема 100 лишнай километрада лама», - мярьгсь Нижегородской областень губернаторсь Глеб Никитин.
Марстонь инвестициянь объемсь проектти - 3,3 млрд цалковай. Примернай строительствань пингсь – пцтай 3 кизот.
Лятфтасаськ, «Арзамас – Дивеево – Саров» паломническо-туристическяй кластерсь кочкаф 2018 кизоня Россиянь Президентть Владимир Путинонь кирдеманц и Святейшай Московскяй и всея Руси Патриархть Кириллонь благословениянц вельде. Кластерть касоманц-виияманц видеса нолявихть эряфс мероприятият, конат токсезась пцтай экономикань сембе отраслятнень: кинь хозяйствать и транспортть, коммунальнай хозяйствать, благоустройствать, культурнай наследиянь объектонь ванфтомать, экологиять, культурать, образованиять, здравоохранениять, конац пяшкотькшнесы туризмать инфраструктуранц.
Фотось: Глеб Никитинонь ТГ-каналста