Мордовиянь Правительствать Председателец Владимир Сушков етафтсь совещания, кона лемтьфоль коммунальнай кеме кархчнень мархта работань системать одкстоптоманцты. Совещанияса примась участия «REMONDIS International GmbH» Хедрик Фоннегут.
Корхтафоль коммунальнай кеме кархчень Саранскяень ошень полигонть «Ремондис» компаниять обслуживанияс максоманц колга. Коммунальнай кеме кархчнень мархта работать коряс региональнай операторсь арьсекшни рамамс самоходнай компакторхт (полигонца кархчнень марс пуроптоманкса машина), мезсь лезды машфтомс кальдяв шинеть, сей-тов лиенди кархчнень, аф нолдамс грунтовай веттнень рдазыямаснон и кархчнень эсезост крьвяземаснон.
Владимир Сушков путсь задача региональнай Правительствать инголе нюрьхкяня пингста ушедомс мероприятиятнень, конат азфт «Экология» национальнай проектть эса.
Совещаниянь участникне састь мяльс, што Мордовияв сайхть Германияста «Ремондис Аква» компаниянь специалисттне, конат максыхть оценка республикань райоттнень эса водоснабжениянь и водоотведениянь инфраструктурати. Тя лезды анокламс масртонь мероприятият водоснабжениянь и водоотведениянь систематнень одкстоптоманкса, штоба республикань эряйхнень обеспечендамс цебярь качествань коммунальнай услугаса.
Азома, што Россиянь Природнай ресурсонь и экологиянь министерстваса 24 апрельста, коса корхтафоль кархчнень башка кочкамаснон коряс международнай опытть колга, максфоль оцю оценка Мордовияса ТКО-ть мархта работать качестванцты и эффективностенцты. Республиканьконь опытонц арьсекшневи тиемс содафокс странань региоттнень эса. Стане жа корхтафоль Мордовиять пилотнай региоттнень лувксс сувафтоманц колга, коса етафтовихть эряфс федеральнай бюджетнай средстватнень тевс нолдазь экотехнопарконь тиемать коряс проекттне. Проектть эса участвондамась лезды кой-мзярода атказамс кархчнень полигонца калмосемаснон эзда и касфтомс производстваса вторичнай сырьеть тевс нолнеманц.