«Экспозициясь, конань ускоськ Отечествань Аралаень Кизоть Мордовияв – аф юкстаави и мяляфтови. Тя 350 лама содаф ломанень кевронга, конат эсь тевсост панжезь Россиять лемонц кувака эряфс векта векс, – Владимир князть эзда ушедомок и тяниень пингонь геройхненди – СВО-нь участникненди», - азондсь Михаил Сердюков проектть арьсиец.
Кевронгнень мархта ускфт и синь ёмласта тиф макетснон копиясна, а ётксост няфтьфт документт, сёрмат и фотографият. И.Д. Воронинонь лемса Республиканскяй краеведческяй музейса выставкась кармай работама 14-це июнть самс, ваномс сонь можна ярмакфтома.
2-це июньцта экспозициять ванозе 25-це номер Советскяй Союзонь Геройть В. Ф. Маргеловонь лемонц канни школань тонафнихнень мархта Мордовия Республиккань Оцюнясь Артём Здунов. Михаил Сердюков эсьотям ётафтсь экскурсия и азондсь сянь колга, што тяса няфтьфт аф аньцек видекс военнай-геройхнень кевронгсна – содаф полководецнень, военачальникнень, конат тюрсть Россиять инкса аф фкя пингста, но и учительхть, врачт, писательхть, спортсметт и журналистт – патриотт, конат араласть и шнасть Россиять эса.
Кепотьксонди, Алексей Высоцкий (алякац сембонди содаф Владимир Высоцкяень) - советскяй журналист, писатель и режиссер-документалист, Советскяй Армиянь полковник, кона тиезе васенце кииноть минь содаф и аф юкстави земляконьконь Михаил Девятаевонь колга, кона ворьгодсь самолетса фашистскяй пленцта.
Мордовия Республикань Оцюнясь шарфтсь мяль проектса фатяф масштабонц и выставкать эрявикс шинц лангс, азсь лямбе мяль-валхт проектть арьсиенцты. «Мастороньконь сембе регионганза и омба масторса мяляфтыхть минь героеньконь колга – сембонь, кие путсь вий сатомс и сяськомс Великай Сяськомаса 40-це кизотнень. Марса, серцек минь мяляфтсаськ сятнень, кит тюрихть тячи кяжи врагть каршес, - мярьгсь Артём Здунов. – Тя выставкась эряви ваномс эрьти – тя минь историяньке, тя минь юроньке. Сей самс эряви семьянек, школаса тонафнихненди сама обязательна, пришкольнай лагерень шабатненди няфтема - эряви, чтоба тя пезоль седизонк».
Мордовия Республикань Оцюнять Пресс-службац