Тяшкстаф соглашения Мордовиять, стратегическяй инициативань Агенствать и «Объединение производителей, поставщиков и потребителей алюминия» Ассоцивциять ёткса

Тяшкстаф соглашения Мордовиять, стратегическяй инициативань Агенствать и «Объединение производителей, поставщиков и потребителей алюминия» Ассоцивциять ёткса

Петербургскяй форумть паксянзон лангса ётась  Мордовиянь Оцюнять Артём Здуновонь и стратегическяй инициативань Агенствать од проекттнонь инголи тостяфнемать коряс генеральнай директорть Светлана Чупшевать ёткса покодемань васедема. Вановсть тяниень марспокодемань кизефксне, а тяфта жа сонь касомань-вииямань перспективнай направлениянза. 

Артём Здунов сюконясь Светлана Чупшеванди сотрудничестванкса и  республикань инициативатнень сембе ширде кирдеманкса. 

Лятфтасаськ, што регионтть и стратегическяй инициативань Агенствать ёткса 2022 кизоста сявомок ули сотрудничествань колга соглашения. Взаимодействиясь мольфтеви фкя пингоне мзярошка направления коряс. 

«Минь няйсаськ тинь эрь шинь  покодематтень инвестиционнай климатонь повествань цебярьгофтомаса, республикань населениять эряфонь качествань касфтомаса, няйхтяма цебярь полафтомат ламлц направлениятнень коряс», - мярьгсь Светлана Чупшева. 

Васедемать песа ётась Мордовиять, стратегическяй инициативань Агенствать и «Объединение производителей, поставщиков и потребителей алюминия» Ассоцивциять ёткса  соглашениянь тяшкстамась. Соглашениясь кармай лездома  региональнай программать высокотехнологичнай конструкциянь алюминийста и алюминиевай щянявксста тевс нолдамать коряс эряфс ётафтоманцты и тиеманцты эрь кодама сфераса.  

Ульсь китькстаф, што тяфтама сотрудничествась пяк ладяй  государствать технологическяй суверенитетонц пяшкодеманцты, предприятиянь производственнай потенциалть касоманцты и Мордовиянь перерабатывающай мощносттненди.  

Мордовия Республикань Оцюнять пресс-службац