Седи ваксста поздравляндасайне Мордовиянь мусульматтнень Ураза-байрам илать мархта!
Духовнай касомань и благочестиянь тя илать мархта шумордави Рамазан священнай ковсь. Кандомок эсь мархтонза милосердия, лиянь инкса пичедема, сон кемокснесыне ломаттнень эса инь цебярь мяльхнень-арьсематнень, кемокснесы обществаса мирть и благополучиять.
Пяшкотькшнемс эряфть цебярь тевса, маластоннетнень колга заботендамаса фкя лаца эрявикс разнай конфессиянь ломаттненди. Тяфтама питнишитне малат и шарьхкодевихть аф фкя лацонь верань ломаттненди, кунардонь пингста сявомок ащихть странасонк мирть и согласиять юрса.
Мордовиянь мусульматтне путнихть няеви путкс республикань экономикать, культурать и духовнай эряфть виияфнемаснонды, нароттнень еткса межнациональнай согласиять, религиознай терпимостть и фкя-фкянь шарьхкодемать кемокснемаснонды. Нароттнень еткса лама веконь ладямась – минь гордостеньке и марстонь козяшиньке, кона тейнек пяк питни и конань минь кородозь ванфнесаськ!
Мордовия Республикань Оцюнясь В.Д.Волков