Тя площадкась китькстазе поколениятнень ёткса сотксть - вдь «васенцетне» ламода лувовихть советскяй пионерхненди тевонь поладыкс. И Саранск ошень Грузинскяй ульцяса Идень творчествань центрать ламоц ошеряйхне ингольцекс лемнесазь Пионеронь кудкс. Иттнень дополнительнай образованияснон тя организацияц лац содаф ошень эряйхненди - аф фкя поколения шаба тонафнесть тяса морама, рисавама, кштима, ялгаксшинь сотксонь кирдема, спортивнай ориентированиянь, авиамоделированиянь и ламоц лия тевонь сатома. Кода и инголи, Идень творчествань центрать фойесонза ащихть оцю аквариупт - эряйсна салсихть мяль эсь мазышиснон мархта, кошардыхть дивандамс планетаньконь животнай миронц лангс. Тонафтомс шабатнень дивандама - улема, педагогть инь оцю вешфксоц. Апак дивандак школаса тонафнихнень аф салави мяльсна од содамошинь получамс.
Мордовиянь Оцюнясь содафтсь Центрать работанц, иттнень и синь наставникснон мархта, китькстазе, што тя вастсь пяшкотьф историяса и опытса, конань сявома мяльс и нолдама тевс. Республикать руководителец сувсесь Приключениянь школать занятияс, корхнесь од музыканттнень и кштийхнень, программисттнень и шахматисттнень мархта. Тядятне-алятне катк аф пичедихть: шабатненди тяса пара, сембось салсесы мяльснон.
Координационнай советть заседаниянц эса главнай темакс арась школаса тонафнихнень ширде Васенцетнень Движенияснон кудонц тиеманц коряс мяльхнень-арьсематнень ваномасна. Республикаса движениясь фатни 60 лама тёжянь ломань. Важна, што работась ётафневи и стака подросткатнень мархта - теест сембода пяк эряви лезкс и ширень кирдема кизос коре ялгаснон и наставникнень эзда.
Мордовиянь командась шарфни башка мяль од ломанень политкати. Августста республикаса ётась «Большая перемена» Всероссийскяй конкурсть полуфиналоц. Ноябрьста омбоцеда примаськ Васенце лезксонь максомать коряс Всероссийскяй чемпионатть финалонц.
«Нинге весть няфтеськ, што Мордовияти ули кода ётафнемс хуш кодама серень фестивальхть, чемпионатт и мероприятият», - китькстазе Артём Здунов.
Сай кизоть республикаса панжеви кизоньберьф работай семейнай центра, ётафтови лама лия оцю мероприятия, конатнень эса примайхть участия и Васенцетнень Движенияснон представителенза.
Иттнень мархта азф сембе мяльхне-арьсематне достойнайхть ётафтомс эряфс. Оцюфне лездыхть - заседанияса примасть участия Мордовия Республикань Оцюнять и Мордовия Республикань Правительствать Администрацияснон представителенза, Правительствань члеттне, министерствань руководительхне, Саранск ошень округонь и педагогическяй сообществань представительхне, вузонь ректорхне. Ули кода содамс, што Васенцетнень Движенияснон кудоц кармай улема. Тя кизефкссь ащи республикань Оцюнять личнай контрольсонза.
Мордовия Республикань Оцюнять Пресс-службац