Уважаемай сограждатт! Кельгома ветератт, Великай Отечественнай войнань участникт, тылонь труженикт! Седи ваксста поздравляндатядязь тинь Великай Победань илать мархта!
Странасонк 9 майсь ульсь и лядонды священнай шикс. 72 кизода тяда инголе аделавсь инь кяжи войнась, конань эса минь народоньке сяськсь, сатозе воляшить, Отчизнать аф зависимостенц, аралазе масторлангть фашизмать эзда. Победань шись – национальнай гордостеньконь и марстоньшиньконь, мужествань и героизмань, Родинати пефтома кельгомань символ.
Отечествань аралайхнень еткса ульсть 246 земляконьке, конат сембе тюрематнень эса няфтсть оцю подвигт. Мордовияса 110 лама шачфсь-касфсь казьфт боевой орденца и медальса, 124 казьфт высшай наградаса – Советскяй Союзонь Герой званияса, 26-сь – Славань орденонь полнай кавалерхт.
Минь ванфнесаськ седисонк аф аньцек воиттнень мужестваснон и героизмаснон, но и военнай кизонь ризнафты юмафкснень. Мордовиянь 130 лама ломанць ашесть мрда куду тюремань паксятнень лангста. Великай Отечественнай войнань солдаттнень колга лятфнемань символкс арась «Бессмертный полк» акциясь. 9 майста республикань эряйхне марса сембе странать мархта кандсазь ошень, велень ульцятнень эзга мала ломаньцнон фотографияснон, конат участвондасть войнаса.
Фронтовикнень и тылонь труженикнень подвигсна арась россиянинонь сембе поколениятненди нравственнай ориентиркс. Великай Победась пантфоль миллиотт сограждаттнень эряфснон мархта. Странаньконь эряензон лангс прасть оцюдонга оцю сталмот, нужа, кодамот ашезь сотце мировой историясь. Мзярдовок аф сетьми шавфнень инкса сярятьфсь, мзярдовок аф юкстави геройхнень подвигсна.
Великай Победань всенароднай праздниксь пуропнесамазь сембонь марс, пяшкотькшнесы седиеньконь гордостьта, нароттнень аф аделсеви вийснонды кемамада, кошарясамазь Родинати служама.
Сюконятама пильгозонт, кельгома ветератт, бессмертнай подвигонтень, Великай Победать инкса! Седи ваксста арьсян теенть, Мордовиянь сембе эряйхненди шумбраши, паваз, благополучия, мир и сембе цебярть!
Мордовия Республикань Оцюнять тевонзон тиендисна В.Д.Волков