Россиянь Шить лемс 12 июньста Саранскяйса ётась «Мордовия многонациональная» республиканскяй фестивальсь. Сонь эсонза примасть участия творческяй делегациятне республикань сембе райоттнень эзда, Саранск ошень округста, а тяфта жа Мордовиянь национально-культурнай организациятне. Участникнень шумбракстозень Мордовиянь Оцюнясь Артём Здунов.
«Великай Россиянь Шить мархта! Символична, што тя илать минь васьфнесаськ минь Саранскяйнеконь, минь народнеконь мархта! Россияса эряй 193 национальностень представитель, конат корхтайхть 300 кяльса и диалектса. Сембе минь сетьмоста эрятама Россияса. Инь шуваня материясь –тя сембось, мезсь токсесы межнациональнай соткснень», - мярьгсь Артём Здунов.
Сон китькстазе, што аф кунара Мордовиясь тага получась Президентскяй инициативань Фондонь грант сембероссиянь национальнай культурань фестивалень ётафтомс - августста республикав сайхть странань сембе региононь представительхне.
«Минь кельгсайнек лия народтнень, сембе кельгсамазь минь. Максоза Шкайсь, штоба тяфта улель фалу!» - китькстазе Мордовиянь Оцюнясь.
Саранскяень прявкс площадьса мероприятиянь участникнень мархта ульсь мораф странань гимнась. Гимнать валонза эряйхть эрь россиянинтть седиса! Тя пингть СВО-нь участникне Александр Дурьев и Алексей Ляпин кеподезь триколорть, а од ломанень колоннась ётафтозе Советскяй площадть пачк 50-метрань кувалмоса россиянь флагть. Триколорсь марстопнесыне народтнень, сембе рузонь мирть тяряфнемаса касфтомс государствать виенц и единстванц!
Панжемань церемонияда меле ушедсь оцю, валда и эсь лацонь культурнай программа.
Артём Здунов тяфта жа ванозе «Через творчество - к согласию народов» выставкать, Саранскяень прявкс площадьса. Тяса ульсть няфтьфт народнай промыслатне и ёмла и средняй республикань предпринимательствань продукциясь.
Мордовия Республикань Оцюнять пресс-службац