«Пингсь тяни кода-бди лия – вии мяльхне панжихть одксшит, лиякс шарфтови мяль бизнесть лангс, панжевихть од рынкат. И мезьса вии тячиень васедемась? Минь кочкатама арьсемат, шнасаськ синь эрявиксшиснон тевс нолдамаса, вештама ялгат мялень кирдема – аф стане ярмаконь ширде, кода идеологическяй. Сидеста тяфтама лезкс теенк максы АСИ-сь. Тячи Светлана Витальевна мархтонк ряцок. вместе с нами. Мн теенть эняльдян, тясть нолда эсь павазонтень», - пшкядсь васедемань участникненди Артём Здунов.
Светлана Чупшева поладозе, што пяк пара и цебярь тевонь тифть коряс ётафнемс васедемат од ломаттнень, предпринимательхнень, волонтерхнень мархта – тя лезды мушендомс и нолдамс тевс од и мялень салай и эряфса ярашты проеттнень «АСИ-сь арьсеф Президенть арьсефонц коряс, штоба максомс лезкс теенть, отькорь, ёню ломаттненди, конат путыхть вий мяльснон тевс нолдамаса мастороньконь сяда тов вииямаса, шачема-касома регионть и ошть цебярьгофтовомаса. Сяс минь арьсеманьконь пяшкодевомаса аф фкя лацонь покодема тевть коряс формат, штоба лездомс пачфтемс синь педа пес эрявикс оцю проектс, кирдемс стартапть и касфтомс сонь оцю компанияс, кона машты лисемс сяда оцю глобальнай рынкав».
Ульсь азф, што «Сильные идеи для нового времени» форумсь уже арась стама платформакс, кона максы мастороньконь эрь эряенцты азомс мяленц тя или тона проектть коряс Россиять цебярьгофтоманц инкса. Инь цебярь арьсефне нолдавихть тевс регионца, федеральнай Правительствать вельде, предпринимательхнень вельде. Эрь кизоня АСИ-сь максы лезкс тёжяньда лама проекттнень и арьсематнень нолдамаса.
Светлана Чупшева тяфта жа мярьгсь, што Мордовия Республикань Оцюнясь фалу примай участия Агенствать сембе ушетксованза – республикась арась пилотнай регионкс АСИ-ть ламоц поектонзонды.
Инициативатнень ёткса, конат ульсть лятфтафт дисскуссиять пингста, пяк лама аф фкя лацонь направления.
Алина Таратынова азондсь «Огарев» стартап-студиять проектонц колга - толфтома ярхцамбялень эжди агрегатть колга. Сон ни панжезень и кемокстазень эсь эрявиксшинь ширензон. Эждема приборсь пара нолдамс тевс эряфса – калонь кунцема пингть, кемпингса, ваймама пингть, а тяфта жа аварийнай службатнень эса. Аф фкя тёжянь тяфтама нагреватель кучф минь юоецоньконди СВО-в. Студенткась азсь мяль келептемс толфтома нагревательхнень тевс нолдама масштабснон. Тяса эряви кеме лезкс.
Ярослава Пангаевась азозе эсь мяленц раштамать касфтоманц и ярмак ширде лезксонь максомать вельде шаба мархта семьятненди. «Од ломаттне аф эряскодыхть пуроптомс семьят сяс, мес сидеста стака прябалакс ащи эряма вастонь добувамась. Арьсян кочкамс счёт эрь одс шачи шабати, коза кармайхть сама теенза максови эряма вастонь рамамань соцпандоматне, шачфтыензон взноссна. Сатомок кодамовок кизонь пингть сон кочкаф ярмакть нолдасы тевс – эряма вастонь рамама», - азозе эсь мяленц Ярослава.
Семён Мякушкин азсь мяль арьсемс эсь лацонь креативнай мастерскойхть, эсь лацонь марстонь экосистемат, коса тапаф шумбраши мархта ломаттне ушедыхть тонафнема и покодема. Региональнай предприятиятнень и онлайн-платформатнень тевс нолдамасна лездыхть продукциять мимс сяда курок.
Светлана Чувшевать мяль тусть ня направлениятне и сон шарфтсь мяль и мярьгсь, што тяни креативнай индустриять коряс направлениятне сатыхтьэрязста тевс нолдама, синь оцюфт вийсна: «Касы од индустриясь, конань юрс путф культурнай кодсь и мастороньконь ломанензон традициясна. Тянь ширде минь пяк асуфтама омбамасторти!»
Тяфта жа Артём Здунов и Светлана Чупшева ванозь Мордовия Республикань брендтнень выставкаснон, кона аноклаф «Знай наших» конкурсть няфтеманцты. Тяса ульсть няфтьфт кода оцю промышленнай и перерабатывающай региононьконь предприятиянза, станя и фермерскяй хозяйстватне, аф оцю частнай производительхне: сыродельнай «Ичалковский» комбинатсь, «Профитроли» кондитерскяй и «Mastorava» шоколадонь кудсь, «Шабань пищевой станциясь», компаниятне «Лев и пчелка», «Биосфера», «Мордовский сидр», «Мордовский мореный дуб» и ламоц лиятне.
Светлана Чупшева сась мяльс: мокшэрзянь модась козя тевонь содай и вальда вайме ломаньца.
Мордовия Республикань Оцюнять Пресс-службац