Мордовиянь вятись Владимир Волков 12 августста етафтсь выездной семинар-совещания велень хозяйстваса интенсивнай технологиятнень тевс нолнемаснон коряс. Тядде семинарсь етась колма предприятияса: Рузаевскяй райононь «Исток» ООО-са, Инсарскяй райононь «Пикаев О.В.» ИП-ть хозяйстваса и Ковылкинскяй райононь «Мордовский бекон» ЗАО-са. Мероприятияса примасть участия Мордовиянь Правительствать Председателенц васенце заместителец – велень хозяйствань и продовольствиянь министрсь Владимир Сидоров, райононь оцюнятне, агрохолдингонь и велень хозяйствань предприятиянь вятихне.
Велень хозяйствань предприятиятнень вятисна азондозь и няфтезь, мезть вельде теест удалси касфнемс земледелиять эффективностенц.
Васенце площадкакс арась «Исток» ООО-ть яровой тозеронь паксяц. Урядамати тяса аньцек кярьмодсть, урядамс эряви 2 тежятть гектар. Лятфтасаськ, што кальдяв погодать сюнеда уборочнай кампаниясь республикаса ушетф 15-20 шида сяда поздна ингольдень кизотнень коряс.
Предприятиять вятиец отмечазе, што фкя гектарста тяса арьсекшневи получамс 70 центнерть малава. Владимир Волков кизефнесь тевс нолневи технологиятнень колга, тяконь лувксса сор тишетнень и вредительхнень каршес обработкать и удобрениятнень сувафнемаснон квалма. Тевс тяса нолневихть сембе эрявикс технологиятне. Сяс предприятиясь лувондови фкя инь эффективнайкс республикаса. Мордовиянь вятись отмечазе стане жа хозяйствать цебярь экономондаманц: фкя гектарть лангс тяса карьхцяфоль 28,5 тежянь цалковай. Тяса фалу сявондеви оцю урожай.
Владимир Волков китькстазе, што интенсивнай технологиятне нолнемат тевс сембе хозяйстватнень эса.
«Республикань сембе предприятиятнень специалистснонды сашендома тяза опытонкса», - отмечазе Мордовиянь лидерсь.
Олег Пикаевонь паксянзон лангса ванфоль технологиянь целай комплекс, кона лезни фермерти сатнемс оцю сатфкст, аф стак эрь кизоня республикань Минсельхозсь путнесы сонь примаркс лия хозяйстватненди. Вов и тяддевок Пикаев сатни од рекортт. Фкя паксять лангса лувозь биологическяй урожайностть – сон пачкодсь 140 центнерс гектарста. «Тя мировой результат. Нинге несколька кизода инголе минь тянь колга аньцек арьсекшнеме и вов тяни несколька предприятиясь етафтозь ня арьсематнень эряфс. Вете кизода меле республикать вешфксонзон пяшкодеманкса эрявксты 2 миллиотт тонна сера. Тя цифрати тейнек и венемома. Тянкса аграриеньконь сембось ули», - китькстазе Владимир Волков.
Передовой технологиятнень тевс нолнесазь и «Мордовский бекон» ЗАО-нь растениевоттне, тяконь лувксса модать инь емла обработкац (Mini-till) и нулевой обработкась (No-till). 2015 кизоня тя технологиять коряс видефоль 20 тежянь гектарсь, 2016 кизоня – 25 тежянь гектарда лама площадсь, 2017 кизоня – 30 тежяньда лама гектарсь. Тя технологиясь лезни ванфтомс модать эрозиять эзда, ванфтомс сонь плодородиянц, кирьфтамс горюче-смазочнай материалхнень карьхцендамаснон 70 процентта. Васенце задачась тячи, кода отмечазе Владимир Волков, - получамс качественнай и уцез сера.
Тяда башка, несколька кизода инголе ни агрохолдингсь ушедсь етнема Евро-4,5 стандартонь двигатель мархта экологическяй ширде безопаснай велень
хозяйствань техникать лангс. Лихтьфоль тевста Евро-1,2 двигатель мархта техникась, сон полафтфоль Джон Дир сельхоз машинатнень, российскяй Акрость и тяниень пингонь двигатель мархта РСМ-ть лангс.
Тяда меле Владимир Волков етафтсь совещания. Сон ульсь Ковылкинскяй райононь Кочелаева велень Культурань центраса. Тяса тифтольхть итогт оцю велень хозяйствань шити.
Мордовиянь вятись Владимир Волков нинге весть китькстазе: «Хозяйстватнень опытсна, конатнень минь тячи ваноськ, сявома мяльс сембонди. Шарьхкотьф, тевс нолнемат ся агроприепне, конат лезнихть сатнемс сяда оцю сатфкст».
Корхтафоль республикань Минсельхозть геоаналитическяй центранц колга, коса мольфтеви ванома велень хозяйствань модатнень мельге. Центрань специалисттненди ули кода курокста шарьхкодемс обстановкать даннайхнень коряс, конат получавихть цифровой космическяй съемкать вельде. Коряваст, кепотьксонди, можна шарьхкодемс модать летькошинц, температуранц. Мордовиянь лидерсь отмечазе, што космическяй технологиятнень тевс нолнемасна арси тячи пяк эрявиксокс, кда хозяйствать мялец касондомс-вииякшнемс.
Тяддеть васенце пяленц итогонза, кода отмечазе Владимир Волков, макссихть надияма: республикась ПФО-нь региоттнень еткста занязе васенце вастть лофцть и алхнень производстваснон коряс, и омбоце вастть – жуватань и нармонень сивольть производстванц коряс. Касомась кота ковста пачкодсь 8,4 процентс.
Владимир Волков китькстазе: республикать сатфксонзон колга содайхть Россиянь Минсельхозса. Сяс федеральнай ведомствась кочказе Мордовиять вастокс машиннай потямань операторхнень еткса профессияс коре всероссийскяй конкурсть етафтоманкса, кона кармай 2017 кизонь 4-7 сентябрьста Старошайговскяй районца. Тяка пингть арьсекшневи етафтомс всероссийскяй совещания молочнай животноводствать виияфнеманц коряс.
Шумордамок мероприятиять, Владимир Волков тердезень аграрийхнень вишкоптомс урожайть урядаманц. 12 августти средняй урожайностсь – 35,5 центнер гектарста.
Арьсекшневи, кда кармай цебярь погода, республиканьке кочкай 1,5 миллион тонна сера.
Мордовия Республикань Оцюнять Пресс-службац