Мордовиянь Оцюнять аф оцю пингс тевонзон тиендисна Владимир Волков 10 августста етафтсь васедема РФ-нь ЦИК-нь членть Василий Лихачевонь мархта, кона сась Мордовияв кода субъектонь куратор 10 сентябрьста вайгялень максомань марстонь шити анокламста избирательнай комиссияти правовой , методическяй и организационнай лезксонь максоманкса.
Лятфтасаськ, Мордовияса, республикань Оцюнять кочкамда башка, тя шиня етай муниципальнай образованиянь представительнай органонь 52 депутатть кочкамасна.
Российскяй Федерациянь Центральнай избирательнай комиссиянь членць отмечазе республикать кочкамань шити оцю анокшинц, тяконь лувксса кочкаматненди сувафтф однять мяльс сявондезь. Корхтамась мольфтеви избирательнай комиссиятнень техническяй переоснащенияснон и открепительнай удостоверениятнень эзда атказамать колга.
Владимир Волков азозе, што участковай комиссиятне обеспечендавихть компьютернай техникаса протоколонь анокламста од технологиятнень тевс нолнеманкса. Тяда башка, республикаса ушетф улемань вастть коряс вайгялень максоманкса заявлениянь примамась – 9 августти примафоль ни 542 тяфтама заявления.
Стане жа РФ-нь ЦИК-нь членць отмечазе, што Мордовиясь региоттнень эзда фкясь, коса вятеви оцю работа многопартийнай системать строяманц коряс. «Ся, што Мордовия Республикань Оцюнять должностьс кандидаттнень спискаса улихть Госдумав сувси сембе партиятнень представительсна – тя цебярь пример РФ-нь лия субъекттненди», - китькстазе Василий Лихачев.
Мордовия Республикань Оцюнять Пресс-службац