Шуваланяста, 10 августста, Мордовиянь Оцюнять аф оцю пингс тевонзон тиендисна Владимир Волков етафтсь рабочай васедема Россиянь Воздушно-космическяй виень радиотехническяй войскатнень начальникснон генерал-майорть Андрей Кобанонь и противовоздушнай и противоракетнай оборонань васенце армиять командующаенц заместителенц полковникть Андрей Приходьконь мархта. Корхтамась мольфтевсь странань руководствать мархта регионть и армиять инголе путф задачатнень пяшкотькшнемаснон коряс марстонь работать колга. Васедемаса примасть участия Мордовиянь Правительствать Председателенц заместителец Геннадий Комусов, Ковылкинскяй муниципальнай райононь оцюнясь Виктор Ташкин.
Андрей Кобан азсь Владимир Волковонди благодарностень валхт марстонь работанкса: «Сатомс инголенк путфть тейнек ламода удалась региононь руководствать ширде лезксонь макссемать вельде. Сембе кизефксне решандакшневихть курокста, профессиональнай оцю уровеньца».
Корхтамась мольфтевсь Мордовияса гарнизононь служащайхненди, кона ащи Ковылкинскяй районца, цебярь социально-бытовой условиянь тиендемать колга. Военнослужащайхнень рьвяснонды макссеви работа, шабатненди – вастт дошкольнай образовательнай учрежденияса. Ушетф военнослужащаень семьятненди эрямань куттнень строямасна. «Сембе кизефкснень, конат сотфт эряма васттнень строямаснон мархта, тинь кирдьсасть личнай контроль ала – тя тейнек пяк важна!» - отмечазе Андрей Кобан.
Мордовиянь лидерсь Владимир Волков китькстазе, што регионти оцю честь и ответственность тиендемс условият воинскяй службать достойнайста каннеманкса, Родинать араламанкса: «Ковылкина ошса воинскяй частсь арась ни районти и республикати аф явоштови пяльксокс. Военнослужащайхне примсихть активнай участия од ломаттнень военно-патриотическяй воспитаниясост, юнармейскяй движениять виияфнемасонза, сембе эрявикс мероприятияньконь эса. Тя пяк важна республикань эряйхненди, конат марясазь пряснон аралафокс».
Мордовия Республикань Оцюнять Пресс-службац