Мордовия Республикань Оцюнять нюрьхкяня пингс тевонзон тиендисна Владимир Волков етафтсь рабочай васедема Ардатовскяй райононь оцюнять Александр Антиповонь мархта. Ванфоль лама кизефкс, конат сотфт территориять социально-экономическяй виияфнеманц мархта.
Башка корхтафоль кочкайхнень наказснон пяшкотькшнемаснон колга. Владимир Волков китькстазе: «Граждаттнень эняльдемаснон пяшкотькшнемасна – властень сембе уроветтненди инь васенце задачась».
Кода азозе Александр Антипов, Ардатовскяй райононь эряйхнень наказснон ламошкасна сотфт китнень строямаснон и петемаснон мархта. Васедемаса корхтафоль тядденди и сяда товонди кинь строямать коряс тефнень колга.
Корхтафоль социальнай ширде эрявикс объекттнень строямаснон колга. Тяконь лувксса корхтамась мольфтевсь 250 вастонди идень садть строяманц, районнай ЗАГС-ти зданиять ремонтонц колга.
Стане жа Владимир Волков корхтась райононь оцюнять мархта Ардатовскяй светотехническяй заводть и агропромышленнай комплексонь предприятиятнень работаснон колга.
Мордовия Республикань Оцюнять Пресс-службац