Мордовиянь Оцюнясь Владимир Волков 29 мартста етафтсь рабочай васедема венгерскяй инвесторхнень, «МадьярАгро» компаниянь представительхнень мархта. Корхтамась мольфтевсь Теньгушевскяй районца 3 тежятть потяви траксонди молочнай комплексть строяманц колга.
Лятфтасаськ, проектсь етафтови эряфс Мордовиянь Правительствать и Венгриянь внешняй экономическяй связень и омба масторонь тевонь министерствать еткса АПК-нь сфераса сотрудничендамать колга кемокстаф соглашениять рамкаса. Ванфтольхть кизефксне, конат сотфт проектнай документациять и строительно-монтажнай работатнень ушедомаснон мархта.
Рабочай васедемаса примасть участия Мордовиянь Правительствать Председателец Владимир Сушков, МР-нь Правительствать Председателенц васенце заместителец - экономикань, торговлянь и предпринимательствань министрсь Владимир Мазов, МР-нь велень хозяйствань и продовольствиянь министрть васенце заместителец Юрий Голов, Теньгушевскяй райононь оцюнясь Александр Кузьмин.
Мордовия Республикань Оцюнять пресс-службац