29 апрельста Саранскяйсь поладсь Всероссийскяй экологическяй субботникти. Ошть благоустройстваса примасть участия предприятиянь и организациянь работникне, государственнай и муниципальнай властень представительхне, од ломаттне и од ломанень организациянь активисттне, а стане жа ошеряйхне, конатнень мяльсна няемс шачема ошснон арукс.
Пара койс коре субботникса активнайста участвондасть од ломанень и патриотическяй объединениятне. Мордовиянь студенческяй отряттнень представительсна тисть аруши 1№ Мемориальнай калмотнень лангса. «Поиск» Мордовскяй республиканскяй патриотическяй объединениянь боецне петьсазь-аруяфтсазь Саранскяйста и республикань райоттнень эса сядода лама памятнай вастть. «ЭКА» Россиянь «сянгяря» движениянь активисттне «Юбилейный» ЖК-ть васенце микрорайонцонза марса ошеряйхнень мархта етафтозь «Экодвор» васенце илать.
Тя шиня озафтфоль васенце келувонь алеясь Тавла ляйть трваса. 160 касыкссь озафтфтольхть «Юбилейный» ЖК-ть васенце микрорайононц аймакса. Тя тевса примась участия Мордовия Республикань Оцюнять тевонзон тиендисна Владимир Волков, кона озафтсь од аллеять эса несколька шуфтоня, мезьда меле корхнесь акциянь участникнень и микрорайононь эряйхнень мархта. «Озафнемс шуфтонят стане жа пяк эрявикс кода стройсемс кутт и кит, вдь сянгяря касыксне тиендьсазь перьфпяльть сяда мазыкс», - мярьгсь региононь вятись.
Сембоц Всероссийскяй эколгогическяй субботникса примасть участия Саранскяень 25 тежянь эряйсь и республикань райоттнень эса 20 тежянь ломанць.
Мордовия Республикань Оцюнять Пресс-службац