Сочиса Российскяй инвестиционнай форумть рамкаса 14 февральста Мордовиянь Оцюнясь Владимир Волков примась участия «Национальные проекты и регионы: главные вопросы в начале пути» панельнай сессияса. Региоттнень эса национальнай проекттнень эряфс етафнемаснон колга корхтамась примасть участия Российскяй Федерациянь Правительствать Председателенц васенце заместителец – финансонь министрсь Антон Силуанов, РФ-нь Правительствать Председателенц заместителенза Татьяна Голикова, Виталий Мутко, РФ-нь экономическяй развитиянь министрсь Максим Орешкин, РФ-нь субъекттнень оцюнясна.
Отмечафоль, што работась национальнай проекттнень эряфс етафнемаснон коряс мольфтеви сембе вийса. Аноклафт проекттнень паспортсна, кочкафт ключевой показательхне и лицатне, конат ответственнайхть федеральнай уровеньца сатфксснон инкса. Маластонь пингть кемокставихть национальнай проекттнень эряфс етафнемаснон коряс соглашеният центрать и региоттнень еткса. Федеральнай правительствань представительхне и РФ-нь субъектонь оцюнятне, конат примасть участия сессияса, корхтасть региоттнень эса нацпроекттнень лангса работать етафтоманц колга, путф задачатнень
решандаманкса региоттнень полномочияснон квалма. Стане жа корхтамась мольфтевсь региоттнень финансовай ширдень тевснон колга, а стане жа сатфкснень мельге контролень вятемать квалма.
Лятфтасаськ, 12 национальнай проекттнень рамкаса арьсекшневи етафтомс эряфс 67 федеральнай проект, 56-ть эса примай участия Мордовия Республикась. Синь лувкссост – «Демография», «Здравоохранение», «Образование», «Жилье и городская среда», «Экология», «Безопасные и качественные автомобильные дороги», «Наука», «Производительность труда и поддержка занятости», «Цифровая экономика», «Малый и средний бизнес и поддержка индивидуальной предпринимательской инициативы» и «Культура» нацпроекттне.
Мордовия Республикань Оцюнять пресс-службац