25 майста Мордовиянь Оцюнять нюрьхкяня пингс тевонзон тиендисна Владимир Волков ванозень ошень инфраструктурань объекттнень, конат нолневихть тевс 2018 кизонь футболть коряс Миронь чемпионатти анокламатнень пингста, а стане жа ванозень Саранскяйса од эряма васттнень алу участкатнень.
Красная ульцять аймакса корхтафоль частнай секторть благоустройстванц колга, кона ащи автомобильнай кить маласа. Владимир Волковонь мяленц коряс дизайнерскяй решениятнень кочкамста мяль шарфтома ся материалхнень лангс, конат фактурас и тюсс коре малат тястонь перьфпяльти и архитектурнай стильти.
Стане жа региононь вятись ванозень ошень участкатнень, коса маластонь пингть арьсекшневи строямс эряма вастт. Ванфтольхть од эряма комплекснень проектсна. Башка мяль Владимир Волков шарфтсь застройкать территорияса социально-бытовой инфраструктурать латцеманцты: «Строямать ушедомс эряви арьсемс, мезьса занявихть аф жилой помещениятне, конат ащихть эряма куттнень эса, штоба меле афольхть уле прябалат, мярьктам, кайги кафетнень или бархнень мархта. Ня помещениятне занямат социально-бытовой обслуживаниянь объекттнень, магазиттнень мархта».
Ошень инфраструктурать виияфнеманц мархта сотф кизефкснень ваномаса примасть участия МР-нь Правительствать Председателец Владимир Сушков, МР-нь строительствань и архитектурань министрсь Виктор Цыганов и Саранскяень мэрсь Петр Тултаев.
Мордовия Республикань Оцюнять Пресс-службац