4 майста Мордовия Республикань Оцюнять тевонзон тиендисна Владимир Волков васетькшнесь Российскяй Федерациянь Правительствать Председателенц заместителенц Аркадий Дворковичень мархта. Корхтамась мольфтевсь «Создание производства оптического волокна» проектть омбоце этапонц эряфс етафнеманц колга. Васедемаса участия примась «Оптоволоконные системы» АО-ть генеральнай директороц Андрей Николаев.
Корхтафоль 2017 кизоня Саранскяйса оптическяй волокнать кувалгофтоманкса заготовкань (преформань) производствать коряс заводть строяманц ушедоманц колга. «Создание производства оптического волокна» проектть омбоце пусковой очереденц тевс сувафнемац максы возможность обеспечендамс заводть мекольце продукциять производстванкса эрявикс сырьяса. Тя кизефкссь кепсевсь Владимир Волковонь Россиянь Президентть Владимир Путинонь мархта аф кунардонь васедеманц пингста. Тячиень шити омбоце пусковой комплексть строяманц коряс проектсь аноклаф ни и етась государственнай экспертиза, кой-мзярошкада рамаф ни технологическяй оборудованиясь. Аркадий Дворковичень мархта васедемать пингста сатфтольхть договоренностть проектть, конань оцю значенияц национальнай безопасность касфнемаса и сон пяк эрявикс импортонь полафнемань условиятнень пингста, сяда тов эряфс етафнеманц коряс. Российскяй Правительствань зампредсь тянь коряс макссь кой-кодама порученият.
Стане жа Владимир Волков корхтась Аркадий Дворковичень мархта Саранскяйса волоконнай оптикань Инжиниринговай центрать строяманц коряс проектть эряфс етафнеманц, ИЦВО-ти высокотехнологичнай оборудованиянь рамаманкса финансированиять колга.
Мордовия Республикань Оцюнять пресс-службац