Политическяй и экономическяй коммуникациянь агентствась 6 майста публиковандазе российскяй региононь оцюнятнень влияниянь рейтингснон.
Апрель ковть итогонзон коряс Владимир Волков занязе 9 вастть оцю влияния мархта вятихнень группаса. Ковста республикань Оцюнять позициянза кемокстасть кафта пунктта.
«Дополнительнай политическяй очкат получай Мордовиянь Оцюнясь Владимир Волков – регионца 2024 кизоть самс арьсекшневи нолдамс пцтай 8 миллиартт цалковай «Здравоохранение» нацпроектть эряфс етафтоманкса, тяконь лувксса онкоцентрать строяманкса», - корхтави АПЭК-ть генеральнай директоронц Дмитрий Орловонь аналитическяй комментариенц эса.
Тяда башка, губернаторхнень влиянияснон касфтомста мяльс сявондевихть регионца етафневи оцю значениянь инфраструктурнай и социальнай проекттне, а стане жа эзост оцю бизнес-игрокнень самасна. Влияниять лафчемоманцты вятихть внутриэлитнай конфликттне и протестнай активностсь.
Экспертнай опроссь, конань результатонзон коряс аноклафоль Россияса инь оцю влияния мархта губернаторхнень рейтингсна, етафневи селкф анкетированиянь методть вельде. 2019 кизонь мартста эсонза участвондась 26 эксперт: политолокт, медиаэкспертт, политтехнолокт и журналистт.