Корхтаманди прявкс кизефксокс арась «МСП» Корпорациять эзда регионтть бизнезс льготнай финансированиянь сувафтомась. Сатфт договоренностть пищевой промышленностьса марс покодемать коряс. Башка ванф ульсь максф Мордовияса особай экономическяй зонать виензафтоманцты.
Китькстасаськ, што ёмла и средняй предпринимательствань кирдемань федеральнай институтсь максси предпринимательхненди лама кирдемань мера – бизнести льготнай кредитованиять эзда сявомок МСП.РФ цифровой платформать лангса координациянь покодемати молемс.
Ширетне састь мяльти Мордовияса пилотнай проектть эряфс ётафтоманц колга сембе ули инвестпроекттнень ваномаснон коряс льготнай финансированиянь и кирдемань возможностть лангс. Регионтть предприятиянзон мархта тяни ётафневихть и арьсевихть ётафтомс эряфс 69 тяфтама проект 73 млрд цалковайть малава марстонь инвестициянь объемть мархта.
Артём Здунов и Александр Исаевич путсть планц ётафтомс сай кизоть Саранскяйса «Контактонь Биржа» ёмла и средняй предпринимательствань субъекттнень и оцю промышленнай предприятиятнень взаимодействияснон лемс.
Мордовия Республикань Оцюнять пресс-службац